Upcoming Events

ಅವ್ಗಡಾ ಥಾವ್ನ್
ಘಡ್ಘಡ್ಯಾ ಥಾವ್ನ್
ರಾಕ್ಲಾಂ ಮಾತ್ರ್ ನ್ಹಯ್
ಪಾವಯ್ಲಾಂ ದೆವಾನ್
ಅಸತಾ ಥಾವ್ನ್ ಸತಾಕ್

ಗಾಂವಾಂತ್
ತಶೆಂ ಪರ್ಗಾಂವಾಂತ್
ಸಾಂಬಾಳ್ಳಾಂ ಮಾತ್ರ್ ನ್ಹಯ್
ಪಾವಯ್ಲಾಂ ದೆವಾನ್
ಅಂದ್ಕಾರಾ ಥಾವ್ನ್ ಉಜ್ವಾಡಾಕ್

ಜೆಂವ್ಕ್ ಖಾಂವ್ಕ್ ದಿವ್ನ್
ನ್ಹೆಸುಂಕ್ ಪಾಂಗ್ರುಂಕ್ ದಿವ್ನ್
ಪೊಸ್ಲಾಂ ಮಾತ್ರ್ ನ್ಹಯ್
ಉತ್ರಯ್ಲಾಂ ದೆವಾನ್
ಮರ್‍ಣಾ ಥಾವ್ನ್ ಜಿವಿತಾಕ್

ನ್ಹಯ್ ಶೆಂಬರ್
ನ್ಹಯ್ ಹಜಾರ್
ಆಪ್ಲ್ಯಾ ಭುರ್ಗ್ಯಾಂಚ್ಯೆರ್
ದೆವಾನ್ ಕೆಲ್ಲೆ ಉಪ್ಕಾರ್
ಹಾ! ಕಿತ್ಲೆ ಅಪಾರ್

- ಲ್ಯಾನ್ಸಿ ಕಾರ್ಡೊಜಾ ತಾಕೊಡೆ