ಪಳೆಯಾ ದೆವಾಚಿ ಕಾಕುಳ್ತ್
ಕೆದಿ ವರ್ತಿ ಕಾಕುಳ್ತ್
ಜಿತ್ಲೊ ತೊ ಪದ್ವೆದಾರ್
ತಿತ್ಲೊ ತೊ ಕಾಕುಳ್ದಾರ್

ಭಗ್ಶಿನಾ ಹಿ ಸಮಾಜ್
ಚುಕುನ್‌ಯಿ ಜಾಲ್ಯಾರ್ ಚೂಕ್
ಪೂಣ್ ಭಗ್ಶಿತಾ ದೇವ್
ಆಮಾ ಸರ್ವಾಂಕ್

ಪಳೆಯಾ ದೆವಾಚಿ ಬಿರ್ಮತ್
ಕೆದಿ ವರ್ತಿ ಬಿರ್ಮತ್
ಜಿತ್ಲೊ ತೊ ದೇವ್
ತಿತ್ಲೊ ತೊ ದಯಾಳ್

ಭಗ್ಶಿನಾ ಹೊ ಸಂಸಾರ್
ಚುಕುನ್‌ಯಿ ಕೆಲ್ಯಾರ್ ಚೂಕ್
ಪೂಣ್ ಭಗ್ಶಿತಾ ದೇವ್
ಆಮಾ ಪಾತ್ಕ್ಯಾಂಕ್

ನಿಯಾಳ್ಯಾಂ ದೆವಾಚಿ ಕಾಕುಳ್ತ್
ನಿಯಾಳ್ಯಾಂ ದೆವಾಚಿ ಬಿರ್ಮತ್
ಜರ್ ಆಮ್ಚಿಂ ಪಾತ್ಕಾಂ ತೊ ಲೆಕಿತ್
ತರ್ ಕೊಣ್ ವಾಂಚುನ್ ಉರತ್?

- ಲ್ಯಾನ್ಸಿ ಕಾರ್ಡೊಜಾ ತಾಕೊಡೆ