Send your Prayer Request to [email protected]

or

Mob: +91-9845391050

ಒಮಿಕ್ರೋನ್ ಆಸುಂ
ವೆಗಿಂ ಆನಿ ಕೊಣ್ ಯೆಂವ್
ನಾ ತರ್ ಆಮೊರೆ ವೆಳಾರ್
ಎಕ್ಲೊ ಶೆರಾಂತ್
ಆನ್ಯೆಕ್ಲೊ ಬಾರಾಂತ್
ಪೂಣ್ ನಾಂತ್ ಘರಾಂತ್!

ಕೊವಿಡ್-19 ಆಸುಂ
ತೆಂ ವರ್‍ಸಾ ವರ್‍ಸಾ ರಾವುಂ
ನಾ ತರ್ ರಾತಿಂ
ಕ್ರಿಸ್ಮಸ್ ನವೆಂ ವರಸ್
ಡಾನ್ಸ್ ಪಾರ್ಟಿ ಆನಿ ಕೀಸ್
ಪೂಣ್ ನಾ ಜೆಜುಕ್ರಿಸ್ತ್!

ನಿರ್ಬಂಧ್ ಆಸುಂ
ಅಂತರ್‌ಯಿ ಚಡುಂ
ನಾ ತರ್ ಪೊಕಳ್ ದವ್ಲತ್
ಕಾಜಾರಾಚ್ಯಾ ಹೊಲಾಂತ್
ಜೆವ್ಣಾಚೊ ವಿಬಾಡ್ ಕಚ್ರ್ಯಾಂತ್
ಪೂಣ್ ನಾ ದುಬ್ಳ್ಯಾಕ್ ಶಿತ್!

ರುಪಾಂ ಆಸುಂ
ತಿಂ ಲ್ಹಾರಾಂ ಮಾರುಂ
ನಾ ತರ್ ದೇವ್ ಫಕತ್
ಇಗರ್ಜ್ ತಶೆಂ ಹೊಲಾಂತ್
ಆನಿ ಪುಣ್ಯ್‌ಕ್ಷೆತ್ರಾಂತ್
ಪೂಣ್ ನಾ ಆಪ್ಲ್ಯಾ ಕಾಳ್ಜಾಂತ್!!

- ಲ್ಯಾನ್ಸಿ ಕಾರ್ಡೊಜಾ ತಾಕೊಡೆ, ಅಲಂಗಾರ್