ಭೆಟಯ್ತಾನಾ ಮೀಸ್ ಕೊಂಕ್ಣಿ
ಇಂಗ್ಲೆಂಡಾಂತ್ ಆಸ್ಲಲ್ಯೆ ಪರಿಂ
ಪುಸ್ಪುಸ್ತಾತ್ ಥೊಡಿಂ ಕುಶಿಚಿಂ
ದಿತಾನಾ ಎಕಾಮೆಕಾ ಶಾಂತಿ!

ಗಾಂವ್ಚ್ಯಾ ಅಶಿಕ್ಪಿ ಕಾನಾಂಕ್ ತಿ
ಪೀಸ್ ಬಿ ವಿದ್ ಯು ಮ್ಹಳ್ಳಿ
ಪುಸುಪುಸು ಮಾತ್ರ್ ಆಯ್ಕುಂಚಿ
ಹಿ ಶಾಂತಿ ಮರ್ಜೆಚಿ?

ಪರ್ವಾ ನಾ ಇಂಗ್ಲಿಷ್ ತರ್‌ಯಿ
ಪೂಣ್ ಜಾಂವ್ಕ್ ನಜೊ ತಿ
ಫಕತ್ ಏಕ್ ಘಡಿ ಪುಸ್ಪುಸ್ಚಿ
ಆನಿ ಘಡ್ಯೆನ್ ಪುಸ್ಕ್ ಜಾಂವ್ಚಿ!

ಕ್ರಿಸ್ತಾಚ್ಯೆ ಶಾಂತಿನ್ ಧಾಡ್ಚ್ಯೆ ಆದಿಂ
ಇಂಗ್ಲೆಂಡಾಕ್ ವೆಚ್ಯೆ ಪರಿಂ
ಆಸಾತ್ ಥೊಡಿಂ ಉಟುನ್ ವೆಚಿಂ
ಹಿಂ ಕ್ರಿಸ್ತಾಂವ್ಚಿಂ ಕ್ರಿಸ್ತಾಚಿ ಶಾಂತಿ ಆಸ್ಲಲಿಂ?

ಕ್ರಿಸ್ತಾಚಿ ಶಾಂತಿ ಆಸುಂ ಹರ್‌ಕಾಳಿಂ
ನಾ ತರ್ ಶಾಂತಿ ದಿಂವ್ಚ್ಯೆ ವೆಳಿಂ
ಕಿತ್ಯಾಕ್ ಭೆಷ್ಟೆಂಚ್ ತಕ್ಲಿ ಬಾಗಾಂವ್ಚಿ?
ತಿ ಇಲ್ಲಿ ಧಾಡಾಂವ್ಚಿ ಬರಿ!!

- ಲ್ಯಾನ್ಸಿ ಕಾರ್ಡೊಜಾ, ತಾಕೊಡೆ