ಧಾನ್‌ಧರ್ಮ್ ಆಮಿ ಕರ್‍ಚೆಂ
ಜಾಂವ್ ತೆಂ ಲಾಖಾಂಚೆಂ
ಜರ್ ಕೆಲೆಂ ಬ್ಯಾಂಡ್ ಫುಂಕ್ಚೆಂ
ತರ್ ಜೊಡಿತ್ ತೆಂ ಕಶೆಂ
ಪೂನ್ ವಯ್ಲ್ಯಾ ಸರ್ಗಿಂಚೆಂ
ದೋನ್ ಪುಣಿ ಪಯ್ಶಾಂಚೆಂ!

ಪೂಣ್ ದಾನ್ ತೆಂ ದಿಂವ್ಚೆಂ
ದುರ್ಬಳ್ಯೆ ವಿಧ್ವಿ ಸಾರ್ಕೆಂ
ಆಪ್ಲ್ಯೆಚ್ ತಾನ್ ಭುಕೆಚೆಂ
ಜಾಯ್ತ್ ಜೊಡ್ನ್ ದಿಂವ್ಚೆಂ
ಪೂನ್ ಖರೆಂಚ್ ಸರ್ಗಿಂಚೆಂ
ತ್ಯಾ ಲಾಖಾಂ ಪ್ರಾಸ್ ವರ್ತೆಂ

ಮಾಗ್ಣೆಂ ಜಾಂವ್ ವರಾಂಚೆಂ
ಪ್ರಾಚಿತ್ ಚಾಳಿಸ್ ದಿಸಾಂಚೆಂ
ಜರ್ ಕೆಲೆಂ ಕಪಟ್ಯಾ ಸಾರ್ಕೆಂ
ತರ್ ಬಾಪ್ ಪಳೆತ್ ಕಶೆಂ
ಫಾಯ್ದೊ ಮೆಳತ್ ಕಿತೆಂ
ಬಡ್ಬಡ್ಲ್ಯಾರ್ ಆಮಿ ಜಾಯ್ತೆಂ!

ಪೂಣ್ ಮಾಗ್ಣೆಂ ಖಾಲ್ತೆಂ
ವಾ ಉಪಾಸ್ ಗುಟಾನ್ ಕರ್‍ಚೆಂ
ಸೊಮ್ಯಾನ್ ಸಾಂಗ್ಲಾಂ ತಶೆಂ
ಜಾಯ್ತ್ ಸಗ್ಳೆಂ ಭಕ್ತಿಚೆಂ
ಬಾಪಾಕ್ ಆಮ್ಚ್ಯಾ ಮೆಚ್ವುಂಚೆಂ
ಶತ್ ಪ್ರತಿಶತ್ ಪ್ರತಿಫಳ್ ಜೊಡ್ಚೆಂ

- ಲ್ಯಾನ್ಸಿ ಕಾರ್ಡೊಜಾ, ತಾಕೊಡೆ - ಅಲಂಗಾರ್