ಹರೆಕಾ ಮನ್ಶಾಚೆಂ ಮರಣ್
ಖರೆಂಚ್ ಎಕ್ ಪಯ್ಣ್
ಹೆಂ ಪಯ್ಣ್ ಮರ್‍ಣಾ ಥಾವ್ನ್
ಮರಣ್ ನಾತ್ಲಲ್ಯಾ ಗಾಂವಾಕ್

ಸರ್ವ್ ಆಮಿ ಯಾತ್ರಿಕ್
ವೆತಾಂವ್ ಪಯ್ಣ್ ಕರುನ್
ಆನಿ ಹೆಂ ಏಕ್ ಪಯ್ಣ್
ಕರುಂಕ್ ಆಸಾ ಹರೆಕ್ಲ್ಯಾಕ್

ಕೊಣಾಕ್‌ಚ್ ನಾ ರಾವುಂಕ್
ಪೂಣ್ ಫರಕ್ ಇತ್ಲೊಚ್
ಎಕ್ಲ್ಯಾಕ್ ಪಯ್ಲೆಂ ವಚುಂಕ್
ಆನ್ಯೆಕ್ಲ್ಯಾಕ್ ಉಪ್ರಾಂತ್

ಹ್ಯಾ ಪಯ್ಣಾಚೊ ವೇಳ್
ನೆಣಾ ಆಮಿ ಕೊಣ್‌ಚ್
ತರ್‌ಯಿ ಆಸಜೆ ತಯಾರ್
ಫಾಂತ್ಯಾರ್ ವಾ ಮಧ್ಯಾನೆರ್

ರಾವ್ಯಾಂ ದಿವೆ ಪೆಟೊವ್ನ್
ಕಿತ್ಯಾಕ್ ಮ್ಹಾಕಾ ವಾ ತುಕಾ
ಪಡತ್ ಪಯ್ಣ್ ಕರುಂಕ್
ಆಯ್ಚ್ಯೆ ರಾತಿ ಭಿತರ್!!

- ಲ್ಯಾನ್ಸಿ ಕಾರ್ಡೊಜಾ, ತಾಕೊಡೆ