Send your Prayer Request to [email protected]

or

Mob: +91-9845391050

ಸಾಂಗ್ಶಿ ತುಂ ವ್ಹಡ್ ಧಯ್ರಾನ್
ಕುಡಿಚೊ ಜೀವ್
ವಾ ಒಫ್‌ಲೈನ್ ಖುನ್
ಹಾಂವೆಂ ಕರುಂಕ್ ನಾ ಮ್ಹಣ್

ಸಾಂಗ್ಶಿಗಿ ತಿತ್ಲ್ಯಾಚ್ ಧಯ್ರಾನ್
ಮತಿಂತ್ ರಾಗ್ ದ್ವೇಷ್ ದವರ್‍ನ್
ವಾ ಒನ್‌ಲೈನ್ ಖುನ್
ಹಾಂವೆಂ ಕರುಂಕ್ ನಾ ಮ್ಹಣ್?

ಒಫ್‌ಲೈನ್ ಖುನ್ ಕರ್‍ಶಿ ತರ್
ತ್ಯಾ ನಿತಿಸಭೆ ಮುಕಾರ್
ಆಸ್ತಲೆಂ ತೆಂ ಸವಾಲ್
ಖಂಯ್ ಆಸಾ ತುಜೊ ಭಾವ್?

ಒನ್‌ಲೈನ್ ಖುನ್ ಕರ್‍ಶಿ ತರ್
ತ್ಯಾಚ್ ನಿತಿಸಭೆ ಮುಕಾರ್
ಆಸ್ತಲೆಂ ತೆಂಚ್ ಸವಾಲ್
ಖಂಯ್ ಆಸಾ ತುಜಿ ಭಯ್ಣ್?

ಜಿತ್ಲಿ ತಿ ಒಫ್‌ಲೈನ್ ಗಂಭೀರ್
ತಿತ್ಲಿ ತಿ ಒನ್‌ಲೈನ್ ಗಂಭೀರ್
ಜಿವೆಶಿಂ ಮಾರ್ ವಾ ರಾಗಾರ್ ರಾವ್
ದೆವಾ ಮುಕಾರ್ ಖುನ್ ತಿ ಖುನ್!!

- ಲ್ಯಾನ್ಸಿ ಕಾರ್ಡೊಜಾ ತಾಕೊಡೆ, ಅಲಂಗಾರ್