Send your Prayer Request to [email protected]

or

Mob: +91-9845391050

ತಿಂ ಪಯ್ಣಾರಿ
ಸಂತೊಸಾನ್ ಉಬ್ತಾಲಿಂ
ಪೂಣ್ ನೆಣಾ ಆಸ್ಲಿಂ
ವಿಮಾನಾ ಭಿತರ್‍ಲಿ
ತಿ ಆಕ್ರೆಚಿ ಘಡಿ!

ಹಾ! ಕಸಲಿ ಘಡಿ
ತಿ ಆಕ್ರೆಚಿ ಘಡಿ
ವ್ಹಡ್ ಆಕಾಂತಾಚಿ
ಉಜೊ ಲಾಗ್ಚಿ
ಆನಿ ಉಜೊ ಪೆಟ್ಚಿ!

ತಿಂ ಬಸ್ಲಲಿಂ
ವಿಮಾನಾರ್ ಬಸ್ಲಲಿಂ
ಪೂಣ್ ನೆಣಾ ಆಸ್ಲಿಂ
ವಿಮಾನಾ ಭಿತರ್‍ಲಿ
ತಿ ನಿಮಾಣಿ ಘಡಿ!

ಹಾ! ಕಸಲಿ ಘಡಿ
ತಿ ನಿಮಾಣಿ ಘಡಿ
ವ್ಹಡ್ ಆಕ್ಲಾಸಾಚಿ
ಕೂಡ್ ಝಳ್ಚಿ
ಆನಿ ಕೂಡ್ ಲಾಸ್ಚಿ!

ತಿಂ ಜಿವಿಂ ತರ್‌ಯಿ
ಲಾಂಕ್ಡಾ ಪರಿಂ ಝಳ್ಳಿಂ
ಝಳುನ್ ಜಿವಿಂ
ಆನಿ ಕರ್ಪುನ್ ಸಗ್ಳಿಂ
ಘಡ್ಯೆನ್ ಮೆಲಿಂ!

ತಿಂ ನ್ಹಯ್ ಚಡ್ ಪಾತ್ಕಿ
ವಿಮಾನಾ ಭಿತರ್ ಮೆಲಲಿಂ
ವಾ ಭಾಯ್ರ್ ಮೆಲಲಿಂ
ಆನಿ ಆಮಿ ನ್ಹಯ್ ಬರಿಂ
ತಾಂಚ್ಯೆ ಪ್ರಾಸ್ ಬರಿಂ!

ಹಿಂ ಅವ್ಗಡಾಂ ಅಸಲಿಂ
ಜಾಗಯ್ತಾತ್ ಹರೆಕ್ ಪಾವ್ಟಿಂ
ಬದ್ಲುಂಕ್ ಪಾತ್ಕಿ ಜಿಣಿ
ಯೆಂವ್ಚ್ಯೆ ಆದಿಂ ಆಮ್ಚಿಯ್
ತಿ ನಿಮಾಣಿ ಘಡಿ!!

- ಲ್ಯಾನ್ಸಿ ಕಾರ್ಡೊಜಾ ತಾಕೊಡೆ