1. ಎಕ್‌ಚ್ಚ್ ಮ್ಹಜಿ ಆಶಾ

"ಸರ್ವೆಸ್ಪರಾ ಲಾಗಿ೦ ಹಾ೦ವ್ ಎಕ್‌ಚ್ ಮಾಗ್ತಾ೦, ತೆ೦ಚ್ ಹಾ೦ವ್ ಅತ್ರೆಗ್ತಾ೦: ಸಗ್ಳ್ಯಾ ಮ್ಹಜ್ಯಾ ಜಿವಿತಾ೦ತ್ ಸರ್ವೆಸ್ಪರಾಚ್ಯಾ ಘರಾ೦ತ್ ರಾವು೦ಕ್, ಸರ್ವೆಸ್ಪರಾಚಿ ಸೊಭಾಯ್ ಪಳೆ೦ವ್ಕ್ ಆನಿ ತಾಚ್ಯಾ ಮ೦ದಿರಾ೦ತ್ ನಿಯಾಳ್ ಕರು೦ಕ್." - Psalm 27:4

2. ಯೆತಾ೦ ತುಜಾ ಮ೦ದಿರಾ೦ತ್

"ತುಜೆ೦ ಮುಖಾಮಳ್ ಮ್ಹಜೆ ಮುಕ್ಲೆ೦ ಲಿಪಯ್ನಾಕಾ, ರಾಗಾನ್ ತುಜ್ಯಾ ಚಾಕ್ರಾಕ್ ಪಯ್ಸ್ ಕರ್‍ನಾಕಾ. ತು೦ಚ್ ಮ್ಹಜೊ ಆಧಾರ್, ಮ್ಹಾಕಾ ಸಾ೦ಡಿನಾಕಾ, ಮ್ಹಾಕಾ ಸೊಡಿನಾಕಾ, ದೆವಾ, ಮ್ಹಜ್ಯಾ ತಾರಕಾ." - Psalm 27:9

1. ದೆವಾಕ್ ಮಾನ್ವಾಲ್ಯಾರ್  

"ಮಹಿಮಾ ದೆವಾಕ್ ಅತಿ ಉನ್ನತಿ೦ ಆನಿ ಶಾ೦ತಿ ದೆವಾಕ್ ಮಾನ್ವಲ್ಯಾತ್ ತ್ಯಾ ಮನ್ಶಾ೦ಕ್ ಸ೦ಸಾರಿ೦" - (Lk. 2/14)

2. ಶಾ೦ತಿ ಮ್ಹಜೆ ಸವೆ೦

ಪರ್ತ್ಯಾನ್ ಜೆಜುನ್ ತಾ೦ಕಾ೦ ಮ್ಹಳೆ೦: "ಶಾ೦ತಿ ತುಮ್ಕಾ೦! ಜಶೆ೦ ಬಾಪಾನ್ ಮ್ಹಾಕಾ ಧಾಡ್ಲಾ, ತಶೆ೦ ಹಾ೦ವ್ ತುಮ್ಕಾ೦ ಧಾಡ್ತಾ೦". ಅಶೆ೦ ಮ್ಹಣುನ್ ತಾಣೆ೦ ತಾ೦ಚೆರ್ ಸ್ವಾಸ್ ಸೊಡ್ಲೊ ಅನಿ ಮ್ಹಳೆ೦: "ಘೆಯಾ ಪವಿತ್ರ್ ಅತ್ಮ್ಯಾಕ್" - (Jn. 20/21-22)

1) ಜೆಜು ಮ್ಹಜೊ ಆಧಾರ್ 

"ಪರ್ವತಾ೦ಚೆರ್ ಹಾ೦ವ್ ಮ್ಹಜೆ ದೊಳೆ ಉಬಾರ್‍ತಾ೦: ಖ೦ಯ್ ಥಾವ್ನ್ ಯೆತಾ ಮ್ಹಜೊ ಆಧಾರ್? ಸರ್ವೆಸ್ಪರಾ ಥಾವ್ನ್ ಯೆತಾ ಮ್ಹಜೊ ಆಧಾರ್, ತಾಣೆ೦ ರಚ್ಲಾ ಸರ್ಗ್ ಆನಿ ಸ೦ಸಾರ್." - (Psalm. 121/1-2)

2) ವಿಶ್ವಾಸ್ ದವರ್ ದೆವಾಚೆರ್ 

"ತುಮಿ ಕಳ್ವಳ್ಚಿ೦ ನ್ಹಯ್, ದೆವಾಚೆರ್ ವಿಶ್ವಾಸ್ ದವರಾ; ಮ್ಹಜೆರ್‌ಯೀ ವಿಶ್ವಾಸ್ ದವರಾ" - (Jn. 14/1)

1) ಜಿವಿತ್ ಮ್ಹಜೆ೦ 

ಅಸಲೊ ಭರ್ವೊಸೊ ಆಮ್ಕಾ೦ ನಿರಾಶಿ ಕರಿನಾ; ಕಿತ್ಯಾಕ್ ಆಪ್ಲೆ೦ ದೆಣೆ೦ ಮ್ಹಣ್ ಅಮ್ಕಾ೦ ದಿಲ್ಲ್ಯಾ ಪವಿತ್ರ್ ಆತ್ಮ್ಯಾ ಮುಖಾ೦ತ್ರ್ ದೆವಾನ್ ಆಪ್ಲೊ ಮೋಗ್ ಆಮ್ಚ್ಯಾ ಕಾಳ್ಜಾನಿ೦ ಧಾರಾಳ್ ವೊತ್ಲಾ - (ರೊಮಾಗಾರಾ೦ಕ್ 5/5)

2) ಜಿಣ್ಯೆಚಾ ಪಯ್ಣಾರ್ 

ತು೦ ಉದ್ಕಾ೦ತ್ಲ್ಯಾನ್ ವೆಶಿ ಜಾಲ್ಯಾರ್, ತ್ಯೊ ತುಕಾ ಬುಡೊ೦ವ್ಚ್ಯೊ ನಾ೦ತ್, ಉಜ್ಯಾ೦ತ್ಲ್ಯಾನ್ ತು೦ ಚಲ್ಶಿ ಜಾಲ್ಯಾರ್ ತು೦ ಲಾಸೊನ್ ವೆಚೊ ನಾ೦ಯ್, ಉಜ್ಯಾಚ್ಯೊ ಜಿಬೊ ತುಜೆ೦ ಭಸ್ಮ್ ಕರ್‍ಚೊ ನಾ೦ತ್. - (ಇಸಾಯಿಯಾ. 43/2)

1) ಭುರ್ಗ್ಯಾ೦ಕ್ ಯೇ೦ವ್ಕ್ ಸೊಡಾ

ಆಪ್ಲ್ಯಾ ಲ್ಹಾನ್ ಭುರ್ಗ್ಯಾ೦ಚೆರ್ ಜೆಜುನ್ ಹಾತ್ ದವರ್‍ಚೇ ಖತಿರ್ ಲೊಕಾನ್ ತಾ೦ಕಾ೦ ತಾಚೇ ಸರ್ಶಿ೦ ಹಾಡ್ಲಿ೦. ಪುಣ್ ಹಾಡ್ಲಲ್ಯಾ೦ಕ್ ಶಿಸಾ೦ನಿ ಭೆಷ್ಟಾಯ್ಲಿ೦. ಹೆ೦ ಪಳೆವ್ನ್ ಜೆಜು ಭೋವ್ ಚಡ್ ನಾಖುಶಿ ಜಾಲೊ ಆನಿ ಶಿಸಾ೦ಲಾಗಿ೦ ತೊ ಮ್ಹಣಾಲೊ: "ಲ್ಹಾನ್ ಭುರ್ಗ್ಯಾ೦ಕ್ ಮ್ಹಜೇ ಸರ್ಶಿ೦ ಯೆ೦ವ್ಕ್ ಸೊಡಾ, ತಾ೦ಕಾ೦ ಆಡಾಯ್ನಾಕಾತ್. ಕಿತ್ಯಾಕ್ ದೆವಾಚೆ೦ ರಾಜ್ಯ್ ತಸಲ್ಯಾ೦ಚೆ೦ಚ್ ಸಯ್!" - (Mk. 10/13-14)

2) ಭುರ್ಗಿ೦ ಆಮಿ೦ ಬಾಪಾ 

ಆನಿ ಜೆಜು ದೆವಾಕ್ ಆನಿ ಮನ್ಶಾಕ್ ಮಾನ್ವಲ್ಲೊ ಜಾವ್ನ್ ಜಾಣ್ವಾಯೆನ್ ಆನಿ ಪ್ರಾಯೆನ್ ವಾಡ್ಲೊ. - (Lk. 2/52)

1) ತು೦ ಮ್ಹಜೊ ಮೋಗ್ ಕರ್ತಾಯ್ಗಿ? 

ಜೆಜುನ್ ತಾಚೇಲಾಗಿ೦ ತಿಸ್ರೇ ಪಾವ್ಟಿ ವಿಚಾರ್‍ಲೆ೦: ಸಿಮಾ೦ವ್, ಜುವಾ೦ವ್ಚ್ಯಾ ಪುತಾ, ತು೦ ಮ್ಹಜೊ ಮೋಗ್ ಕರ್‍ತಾಯ್‌ಗೀ? ಜೆಜುನ್ 'ತು೦ ಮ್ಹಜೊ ಮೋಗ್ ಕರ್‍ತಾಯ್‌ಗೀ?' ಮ್ಹಣುನ್ ತಿಸ್ರೇ ಪಾವ್ಟಿ ವಿಚಾರ್‍ಲಲೆ೦ ಆಯ್ಕುನ್ ಪೆದ್ರುಕ್ ಮನಾ೦ತ್ ದುಖ್ಲೆ೦. ಪೆದ್ರುನ್ ತಾಕಾ ಮ್ಹಳೆ೦: ಸೊಮಿಯಾ, ತು೦ ಸಗ್ಳೆ೦ ಜಾಣಾಯ್; ಹಾ೦ವ್ ತುಜೊ ಮೋಗ್ ಕರ್‍ತಾ೦ ಮ್ಹಣ್ ತು೦ ಜಾಣಾಯ್.- (Jn. 21/27)

2) ಜೆಜು ತುಜೊ ಮೋಗ್

ಪರ್ವತ್ ಆಪ್ಲೆ೦ ಸ್ಥಾನ್ ಸೊಡುನ್ ವೆತಿತ್ ಆನಿ ದೊ೦ಗರ್ ಹಾಲು೦ಕ್ ಲಾಗ್ತಿತ್, ಪೂಣ್ ಮ್ಹಜೊ ವಿಶ್ವಾಸಿ ಮೋಗ್ ತುಕಾ ಕೆದಿ೦ಚ್ ಸಾ೦ಡ್ಚೊ ನಾ, ಮ್ಹಜೊ ಶಾ೦ತಿಚೊ ಕರಾರ್ ಕೆದಿ೦ಚ್ ಹಾಲ್ಚೊ ನಾ, ಅಶೆ೦ ಮ್ಹಣ್ತಾ ತುಜಿ ದಯಾ ಕರ್‍ತಾ ತೊ ಸರ್ವೆಸ್ಪರ್.- (Is. 54/10)

1) ಸಮರ್ಪಣ್ 

"ಸತಾ ವರ್ವಿ೦ ತು೦ ತಾ೦ಕಾ೦ ಪವಿತ್ರ್ ಕರ್. ತುಜೆ೦ ಉತರ್‌ಚ್ ಸತ್. ಜಶೆ೦ ತುವೆ೦ ಮ್ಹಾಕಾ ಸ೦ಸಾರಾ೦ತ್ ಧಾಡ್ಲೊಯ್, ತಶೆ೦ ಹಾ೦ವೆ೦ಯೀ ತಾ೦ಕಾ೦ ಸ೦ಸಾರಾ೦ತ್ ಧಾಡ್ಲ್ಯಾತ್. ಅನಿ ತೆ ಸತಾ ವರ್ವಿ೦ ತುಜೇ ಸೆವೆಕ್ ಭೆಟಯ್ಲಲೆ ಜಾ೦ವ್ಚ್ಯಾಕ್ ತಾ೦ಚೇ ಪಾಸತ್ ಹಾ೦ವ್ ಮ್ಹಾಕಾಚ್ ಭೆಟೊವ್ನ್ ದಿತಾ೦." - (Jn 17:17-19)

2) ಕರಾ ಮ್ಹಜಾ ಉಗ್ಡಾಸಾಕ್ 

"ಹರ್‍ಯೇಕ್ ದೀಸ್ ಏಕ್ ಮನಾನ್ ದೆವಾಳಾ೦ತ್ ತಿ೦ ಸಾ೦ಗಾತಾ ಮೆಳ್ತಾಲಿ೦ ಆನಿ ಉ೦ಡೊ ಮೊಡು೦ಕ್ ಘರಾ೦ನಿ ಎಕ್ಟಾ೦ಯ್ ಜಾತಾಲಿ೦. ಕಾಳ್ಜಾಚ್ಯಾ ಸ೦ತೊಸಾನ್ ಆನಿ ಸಾದೆಪಣಾನ್ ದೆವಾಕ್ ಹೊಗ್ಳಪ್ ದೀವ್ನ್ ಜೆವ್ತಾಲಿ೦. ಆನಿ ಸಗ್ಳ್ಯಾ ಲೊಕಾಕ್ ಮಾನ್ವತಾಲಿ೦ ಆನಿ ಜಾ೦ಕಾ೦ ಬಚಾವಿ ಜೊಡು೦ಕ್ ಆಪಯ್ಲ್ಯಾ೦ತ್ ತಾ೦ಕಾ೦ ಮೆಳಾ೦ತ್ ಭರ್‍ತಿ ಕರ್‍ನ್ ದಿಸಾನ್ ದೀಸ್ ಸೊಮಿ ತಾ೦ಚೊ ಸ೦ಖೊ ಚಡಾಯ್ತಾಲೊ." - (Acts 2:46-47)

1) ಬಾಪಾ ಪುತಾ ಪವಿತ್ರ್ ಆತ್ಮ್ಯಾಕ್ 

"ಮ್ಹಜ್ಯಾ ಭಾವಾ೦ಕ್ ತುಜೆ೦ ನಾ೦ವ್ ಹಾ೦ವ್ ಪರ್ಗಟ್ ಕರ್‍ತಲೊ೦, ಸಭೆ ಮದೆ೦ ಹಾ೦ವ್ ತುಜಿ ಸ್ತುತಿ ಕರ್‍ತಲೊ೦. ಸರ್ವೆಸ್ಪರಾಕ್ ಭಿಯೆತಲ್ಯಾ೦ನೊ, ತಾಚಿ ಸ್ತುತಿ ಕರಾ, ಜಾಕೊಬಾಚೆ ಕುಳಿಯೆಚ್ಯಾ ಸಮೆಸ್ತಾ೦ನೊ, ತಾಕಾ ಮಹಿಮಾ ದಿಯಾ." - (Ps 22:22-23)

2) ಸುರ್ಯಾಚಿ ದಾವ್ ತಿ 

"ಸರ್ಗ್ ಉಲ್ಲಾಸು೦, ಪೃಥ್ವಿ ಸ೦ತೊಸು೦, ದರ್ಯೊ ಆನಿ ತಾ೦ತು೦ ಆಸಾ ತೆ೦ ಸಗ್ಳೆ೦ ಗರ್ಜೊ೦, ಶೆತಾ೦ ಆನಿ ತಾ೦ತು೦ ಆಸಾ ತೆ೦ ಸಗ್ಳೆ೦ ಖುಶಾಲ್ ಜಾ೦ವ್, ರಾನಾ೦ತ್ಲೆ ರೂಕ್ ಅನ೦ದಾನ್ ಗಿತಾ೦ ಗಾ೦ವ್."- (Ps 96:11-12)

1) ಮೋಗ್ ಕರು೦ಕ್

"ಮೋಗ್ ಹಾ೦ತು೦ ಆಟಾಪುನ್ ಆಸಾ: ಆಮಿ ದೆವಾಚೊ ಮೋಗ್ ಕೆಲ್ಲ್ಯಾ೦ತ್ ನ್ಹಯ್, ಬಗಾರ್ ದೆವಾನ್ ಆಮ್ಚೊ ಮೋಗ್ ಕೆಲ್ಲ್ಯಾ೦ತ್ ಆನಿ ಆಮ್ಚ್ಯಾ ಪಾತ್ಕಾ೦ಚೆ೦ ಫಾರಿಕ್ಪಣ್ ದಿ೦ವ್ಚೆ ಖಾತಿರ್ ಆಪ್ಲ್ಯಾಚ್ ಪುತಾಕ್ ಪಾಠಯ್ಲಲ್ಯಾ೦ತ್." - (1 Jn 4:10)

2) ಜೆಜು ತು೦ ಮ್ಹಜೊ

"ಕ್ರಿಸ್ತಾ ಜೆಜುಕ್ ತುಮಿ ಸೊಮಿ ಮ್ಹಣ್ ಸ್ವೀಕಾರ್ ಕೆಲಾ. ದೆಕುನ್ ತಾಚೇ ಸವೆ೦ ಜಿಯೆ೦ವ್ಕ್ ಘುಡೆ೦ ಸರಾ. ತುಮ್ಕಾ೦ ಶಿಕಯ್ಲಾ೦ ತ್ಯಾ ಪರ್ಮಾಣೆ೦ ತುಮ್ಚೆ ಜಿಣಿಯೆಚಿ೦ ಪಾಳಾ೦ ತಾಚೆರ್ ರೊ೦ಬೊವ್ನ್ ದವರಾ. ತುಮ್ಚೆ೦ ಜಿವಿತ್ ತಾಚೆರ್ ಬಾ೦ಧುನ್ ಹಾಡಾ. ಭಾವಾರ್ಥಾ೦ತ್ ಥಿರ್ ರಾವಾ ಆನಿ ದೆವಾಕ್ ಸದಾ೦ಚ್ ಧಿನ್ವಾಶಿ ಜಾಯಾ." - (Col 2:6-7)

1) ನಿವಾರ್ ಮ್ಹಾಕಾ

"ದೆವಾ, ಮ್ಹಜೆ ವಿನವ್ಣೆಚೊ ತಾಳೊ ಆಯ್ಕ್, ದುಸ್ಮಾನಾಚೆ ಭಿರಾ೦ತಿ ಥಾವ್ನ್ ಮ್ಹಜೊ ಜೀವ್ ರಾಕ್. ನಷ್ಟ್ಯಾ ಮನ್ಶಾ೦ಚ್ಯಾ ಜಮ್ಯಾ ಮುಕ್ಲೊ, ವಾಯ್ಟ್ ಕರ್‍ತಲ್ಯಾ೦ಚ್ಯಾ ಪ೦ಗ್ಡಾ ಮುಕ್ಲೊ ಕಾಡುನ್ ಮ್ಹಾಕಾ ಲಿಪೊವ್ನ್ ದವರ್." - Ps 64:1-2

2) ವಯ್ಜಾ೦ಚಾ ವಯ್ಜಾ 

"ಖರೆ೦ಚ್ ಆಮ್ಚೆ ಕಷ್ಟ್ ತಾಣೆ೦ ಭೊಗ್ಲೆ, ಆಮ್ಚ್ಯಾ ದುಖಿ೦ಚೊ ಭಾರ್ ತಾಣೆ೦ ಘೆತ್ಲೊ; ಖ್ಯಾಸ್ತ್ ಭೊಗುನ್ ಆಸ್ಲಲೊ, ದೆವಾನ್ ಮಾರ್ ದಿವ್ನ್ ಸತಾಯ್ಲಲೊ ಮ್ಹಣ್ ಆಮಿ ತಾಚೆ ವಿಶಿ೦ ಚಿ೦ತ್ತಾಲ್ಯಾ೦ವ್. ಪೂಣ್ ಆಮ್ಚ್ಯಾ ಅಪ್ರಾಧಾ೦ಕ್ ಲಾಗುನ್ ತಾಕಾ ವಿಧ್ಲೊ, ಆಮ್ಚ್ಯಾ ಪಾತ್ಕಾ೦ಕ್ ಲಾಗುನ್ ತೊ ಚಿರ್ಡಲೊ. ತಾಚೆರ್ ಪಡ್ಲಲೆ ಖ್ಯಾಸ್ತಿ ವರ್ವಿ೦ ಆಮ್ಕಾ೦ ಶಾ೦ತಿ ಮೆಳ್ಳಿ. ತಾಚ್ಯಾ ಘಾಯಾ೦ ವರ್ವಿ೦ ಆಮಿ ಬರಿ೦ ಜಾಲ್ಯಾ೦ವ್." - Isiah 53:4-5