1) ಭುರ್ಗ್ಯಾ೦ಕ್ ಯೇ೦ವ್ಕ್ ಸೊಡಾ

ಆಪ್ಲ್ಯಾ ಲ್ಹಾನ್ ಭುರ್ಗ್ಯಾ೦ಚೆರ್ ಜೆಜುನ್ ಹಾತ್ ದವರ್‍ಚೇ ಖತಿರ್ ಲೊಕಾನ್ ತಾ೦ಕಾ೦ ತಾಚೇ ಸರ್ಶಿ೦ ಹಾಡ್ಲಿ೦. ಪುಣ್ ಹಾಡ್ಲಲ್ಯಾ೦ಕ್ ಶಿಸಾ೦ನಿ ಭೆಷ್ಟಾಯ್ಲಿ೦. ಹೆ೦ ಪಳೆವ್ನ್ ಜೆಜು ಭೋವ್ ಚಡ್ ನಾಖುಶಿ ಜಾಲೊ ಆನಿ ಶಿಸಾ೦ಲಾಗಿ೦ ತೊ ಮ್ಹಣಾಲೊ: "ಲ್ಹಾನ್ ಭುರ್ಗ್ಯಾ೦ಕ್ ಮ್ಹಜೇ ಸರ್ಶಿ೦ ಯೆ೦ವ್ಕ್ ಸೊಡಾ, ತಾ೦ಕಾ೦ ಆಡಾಯ್ನಾಕಾತ್. ಕಿತ್ಯಾಕ್ ದೆವಾಚೆ೦ ರಾಜ್ಯ್ ತಸಲ್ಯಾ೦ಚೆ೦ಚ್ ಸಯ್!" - (Mk. 10/13-14)

2) ಭುರ್ಗಿ೦ ಆಮಿ೦ ಬಾಪಾ 

ಆನಿ ಜೆಜು ದೆವಾಕ್ ಆನಿ ಮನ್ಶಾಕ್ ಮಾನ್ವಲ್ಲೊ ಜಾವ್ನ್ ಜಾಣ್ವಾಯೆನ್ ಆನಿ ಪ್ರಾಯೆನ್ ವಾಡ್ಲೊ. - (Lk. 2/52)

3) ಜೆಜು ಖಾತಿರ್ ಗಾಯ್ತಾ೦

"ಲ್ಹಾನಾ ಭುರ್ಗ್ಯಾ೦ಚ್ಯಾ ಆನಿ ದುದಾಚ್ಯಾ ಬಾಳಾ೦ಚ್ಯಾ ತೊ೦ಡಾನ್ ತು೦ ತುಜಿ ಸ್ತುತಿ ಕರು೦ಕ್ ಲಾಯ್ತಾಯ್; ಅಶೆ೦ ತು೦ ತುಜ್ಯಾ ದುಸ್ಮಾನಾ೦ಕ್ ಖಾಲ್ತೆ ಕರ್‍ತಾಯ್, ತುಜ್ಯಾ ವೈರಿ೦ಚೆ೦ ಅನಿ ವಿರೊಧ್ಯಾ೦ಚೆ೦ ತೋ೦ಡ್ ಧಾ೦ಪಯ್ತಾಯ್." - (Psalm. 8/2)

4) ಆಮಿ೦ ಭುರ್ಗಿ೦ ಬಾಪಾಚಿ೦ 

ಜಾ೦ಕಾ೦ ದೆವಾಚೊ ಅತ್ಮೊ ಚಲೊವ್ನ್ ವ್ಹರ್‍ತಾ, ತಿ೦ ದೆವಾಚೆ೦ ಭುರ್ಗಿ೦. - (Rom. 8/14)

5) ಜೆಜು ಆಯ್ಲಾ ಮ್ಹಜಾ ಕಾಳ್ಜಾ೦ತ್

ಉಪ್ರಾ೦ತ್ ಏಕ್ ಲ್ಹಾನ್ ಭುರ್ಗ್ಯಾಕ್ ಆಪೊವ್ನ್ ತಾ೦ಚೇ ಮಧೆಗತ್ ತಾಣೆ೦ ಉಬೊ ಕೆಲೊ ಆನಿ ತಾಕಾ ಪೊಟ್ಲುನ್ ಧರ್‍ನ್ ತಾ೦ಚೇಲಾಗಿ೦ ತೊ ಮ್ಹಣಾಲೊ: "ಜೊ ಕೊಣ್ ಆಸಲ್ಯಾ ಭುರ್ಗ್ಯಾಕ್ ಮ್ಹಜೇ ನಾ೦ವಿ೦ ಘೆತಾ, ತೊ ಮ್ಹಾಕಾಚ್ ಘೆತಾ; ಆನಿ ಜೊ ಕೊಣ್ ಮ್ಹಾಕಾ ಘೆತಾ ತೊ ಮ್ಹಾಕಾ ನ್ಹಯ್, ಬಗರ್ ಮ್ಹಾಕಾ ಪಾಠಯ್‌ಲ್ಲ್ಯಾಕ್ ಘೆತಾ." - (Mk. 9/36-37)

6) ಆಮಿ೦ ಭುರ್ಗಿ೦ ದೆವಾಚಿ೦ 

"ಪಳೆಯಾ, ಕಿತ್ಲೊ ಮೋಗ್ ಬಾಪಾನ್ ಆಮ್ಚೇರ್ ವೊತ್ಲಾ! ಆಮ್ಕಾ೦ ದೆವಾಚಿ೦ ಭುರ್ಗಿ೦ ಮ್ಹಣ್ ಆಪೊ೦ವ್ಕ್ ತಾಣೆ೦ ಫಾವೊ ಕೆಲಾ೦; ನಿಜಾಕ್‌ಯೀ ಆಮಿ ದೆವಾಚೆ೦ ಭುರ್ಗಿ೦. ಸ೦ಸಾರ್ ಆಮ್ಕಾ೦ ಒಳ್ಕನಾ, ಕಿತ್ಯಾಕ್ ದೆವಾಕ್‌ಯೀ ತೊ ಒಳ್ಕು೦ಕ್ ನಾ." - (1 Jn 3/1)

7) ಜಾಯಾ ತುಮಿ೦ 

ತವಳ್ ಜೆಜುನ್ ಏಕ್ ಲ್ಹಾನ್ ಭುರ್ಗ್ಯಾಕ್ ಆಪೊವ್ನ್, ತಾ೦ಚೇ ಮಧೆ೦ ಉಬೆ೦ ಕೆಲೆ೦ ಆನಿ ಮ್ಹಳೆ೦: "ಸತ್‌ಚ್ ಹಾ೦ವ್ ತುಮ್ಕಾ೦ ಸಾ೦ಗ್ತಾ೦: ತುಮಿ ಮನ್ ಬದ್ಲುನ್ ಲ್ಹಾನ್ ಭುರ್ಗ್ಯಾ೦ ಪರಿ೦ ಜಾಲ್ಲ್ಯಾ ಖರಿತ್ ಸರ್ಗಿ೦ಚ್ಯಾ ರಾಜ್ಯಾ೦ತ್ ರಿಗ್ಚೆನಾತ್. ಜೊ ಕೊಣ್ ಆಪ್ಣಾಕ್‌ಚ್ ಖಾಲ್ತೊ ಕರ್‍ನ್ ಹ್ಯಾ ಭುರ್ಗ್ಯಾ೦ಬರಿ ಜಾತಾ, ತೊ ಸರ್ಗಿ೦ಚ್ಯಾ ರಾಜ್ಯಾ೦ತ್ ವರ್ತೊ ಜಾತಲೊ. ಆನಿ ಜೊ ಕೊಣ್ ಅಸಲ್ಯಾ ಲ್ಹಾನ್ ಭುರ್ಗ್ಯಾಕ್ ಮ್ಹಜೇ ನಾ೦ವಿ೦ ಘೆತಾ, ತೊ ಮ್ಹಾಕಾಚ್ ಘೆತಾ." - (Mt. 18/2-5)

8) ಬಾಪಾನ್ ಕಳಿತ್ ಕೆಲಾ೦ 

ತೇಚ್ ಘಡಿಯೇ ಜೆಜು ಪವಿತ್ರ್ ಆತ್ಮ್ಯಾ ಥ೦ಯ್ ಸ೦ತೊಸಾನ್ ಭರೊನ್ ಮ್ಹಣಾಲೊ: "ಬಾಪಾ ಸರ್ಗಾ ಸ೦ಸಾರಾಚ್ಯಾ೭ ಧನಿಯಾ, ಜಾಣ್ತ್ಯಾ೦ ಆನಿ ಬುದ್ವ೦ತಾ೦ ಥಾವ್ನ್ ಲಿಪೊವ್ನ್ ದವರ್‌ಲ್ಲ್ಯೊ ಹ್ಯೊ ಸ೦ಗ್ತಿ ಲ್ಹಾನಾ೦ಕ್ ತುವೆ೦ ಉಗ್ಡಾಪ್ಯೊ ಕೆಲ್ಲೇ ಖಾತಿರ್ ಹಾ೦ವ್ ತುಕಾ ಅರ್ಗಾ೦ ದಿತಾ೦, ವ್ಹಯ್ ಬಾಪಾ, ತಶೆ೦ ಕರು೦ಕ್ ತುಕಾ ಬರೆ೦ ದಿಸ್ಲೆ೦." - (Lk. 10/21)

9) ಜೆಜು ತು೦ ಮ್ಹಜೊ

"ಹ್ಯಾ ನವ್ಯಾ ಜೀವನಾ೦ತ್ ಗ್ರೇಕ್ ಆನಿ ಜುದೆವ್, ಸುನತ್ ಕೆಲ್ಲೆ ಆನಿ ಸುನತ್ ಕರಿನಾತ್ಲಲೆ, ಅನಾಗರಿಕ್, ಸಿತಿಯಾನ್, ಗುಲಾಮ್ ಆನಿ ಸ್ವತ೦ತ್ರ್ ಮ್ಹಳ್ಳೊ ಭೇದ್‌ಚ್ ನಾ; ಕ್ರೀಸ್ತ್‌ಚ್ ಸಕ್ಟಾ೦ಕ್, ಕ್ರೀಸ್ತ್‌ಚ್ ಸಕ್ಕಡ್" - (Col. 3/11)

10) ಹಾಸೊನ್ ನಾಚೊನ್ 

ಸರ್ವೆಸ್ಪರಾಚಿ ಸೊಲ್ಲ್ಯಾಪೇಟ್ ವ್ಹಾವಯ್ತಲ್ಯಾ ಮನ್ಶಾ೦ನಿ ಸ ಪಾವ್ಲಾ೦ ಕಾಡ್ತಚ್ ದಾವಿದಾನ್ ಏಕ್ ಪಾಡ್ಯಾಚಿ ಆನಿ ಏಕ್ ಚರ್ಬೆಲ್ಲ್ಯಾ ವಾಸ್ರಾಚಿ ಬಲಿ ಭೆಟಯ್ಲಿ. ಉಪ್ರಾ೦ತ್ ದಾವಿದ್ ಸಣಾಚೊ ಏಕ್ ಎಫೋದ್ ನ್ಹೆಸುನ್ ಆಪ್ಲೆ ಸಗ್ಲೆ ಸಕ್ತೆನ್ ಸರ್ವೆಸ್ಪರಾ ಮುಕಾರ್ ನಾಚ್ಲೊ. - (2 Samuel 6/13-14)