1) ತು೦ ಮ್ಹಜೊ ಮೋಗ್ ಕರ್ತಾಯ್ಗಿ?
ಜೆಜುನ್ ತಾಚೇಲಾಗಿ೦ ತಿಸ್ರೇ ಪಾವ್ಟಿ ವಿಚಾರ್‍ಲೆ೦: ಸಿಮಾ೦ವ್, ಜುವಾ೦ವ್ಚ್ಯಾ ಪುತಾ, ತು೦ ಮ್ಹಜೊ ಮೋಗ್ ಕರ್‍ತಾಯ್‌ಗೀ? ಜೆಜುನ್ 'ತು೦ ಮ್ಹಜೊ ಮೋಗ್ ಕರ್‍ತಾಯ್‌ಗೀ?' ಮ್ಹಣುನ್ ತಿಸ್ರೇ ಪಾವ್ಟಿ ವಿಚಾರ್‍ಲಲೆ೦ ಆಯ್ಕುನ್ ಪೆದ್ರುಕ್ ಮನಾ೦ತ್ ದುಖ್ಲೆ೦. ಪೆದ್ರುನ್ ತಾಕಾ ಮ್ಹಳೆ೦: ಸೊಮಿಯಾ, ತು೦ ಸಗ್ಳೆ೦ ಜಾಣಾಯ್; ಹಾ೦ವ್ ತುಜೊ ಮೋಗ್ ಕರ್‍ತಾ೦ ಮ್ಹಣ್ ತು೦ ಜಾಣಾಯ್.- (Jn. 21/27)
2) ಜೆಜು ತುಜೊ ಮೋಗ್
ಪರ್ವತ್ ಆಪ್ಲೆ೦ ಸ್ಥಾನ್ ಸೊಡುನ್ ವೆತಿತ್ ಆನಿ ದೊ೦ಗರ್ ಹಾಲು೦ಕ್ ಲಾಗ್ತಿತ್, ಪೂಣ್ ಮ್ಹಜೊ ವಿಶ್ವಾಸಿ ಮೋಗ್ ತುಕಾ ಕೆದಿ೦ಚ್ ಸಾ೦ಡ್ಚೊ ನಾ, ಮ್ಹಜೊ ಶಾ೦ತಿಚೊ ಕರಾರ್ ಕೆದಿ೦ಚ್ ಹಾಲ್ಚೊ ನಾ, ಅಶೆ೦ ಮ್ಹಣ್ತಾ ತುಜಿ ದಯಾ ಕರ್‍ತಾ ತೊ ಸರ್ವೆಸ್ಪರ್.- (Is. 54/10)
3) ಭಾವಾ೦ ಭಯ್ಣಿ೦ನೊ
ಜರ್ ಕೊಣ್‌ಯೀ ಮ್ಹಜೇ ಸರ್ಶಿ೦ ಯೆತಾ, ಪುಣ್ ಆಪ್ಲ್ಯಾ ಅವಯ್‌ಬಾಪಾಯ್ಕ್, ಬಾಯ್ಲೇಭುರ್ಗ್ಯಾ೦ಕ್, ಭಾವಾ೦ ಭಯ್ಣಿ೦ಕ್ ಆನಿ ಆಪ್ಣಾಕ್‌ಚ್ ಪಾಟ್ ಕರಿನಾ, ತರ್ ತಾಚ್ಯಾನ್ ಮ್ಹಜೊ ಶಿಸ್ ಜಾ೦ವ್ಕ್ ನಜೊ. ಜೊ ಕೊಣ್ ಅಪ್ಲೊ ಖುರಿಸ್ ವ್ಹಾವೊವ್ನ್ ಮ್ಹಜ್ಯಾ ಪಾಟ್ಲ್ಯಾನ್ ಯೇನಾ, ತಾಚ್ಯಾನ್ ಮ್ಹಜೊ ಶಿಸ್ ಜಾ೦ವ್ಕ್ ನಜೊ.- (Lk. 14/26-27
4) ಭೆ೦ ಭಿರಾ೦ತ್ ಮ್ಹಾಕಾ ನಾ೦
ಆನಿ ಹಾ೦ವೆ೦ ತುಮ್ಕಾ೦ ದಿಲ್ಲ್ಯೊ ಸರ್ವ್ ಆಜ್ನ್ಯಾ ಪಾಳು೦ಕ್ ತಾ೦ಕಾ೦ ಶಿಕಯಾ. ಆನಿ ಹಾ೦ವ್, ಸದಾ೦ಕಾಲ್, ಸ೦ಸಾರಾಚಿ ಅಖೇರ್ ಪರ್ಯಾನ್ ತುಮ್ಚೇ ಸಾ೦ಗಾತಾ ಆಸ್ತಲೊ೦ ಮ್ಹಣ್ ಉಗ್ಡಾಸ್ ದವರಾ.- (Mt. 28/20)
5) ಸರ್ಗಿ೦ಚಾ ರಾಜಾ ಥಾವ್ನ್
ಆನಿ ಶಿಯಾಸಣಾ ಕುಶಿ ಥಾವ್ನ್ ಯೆತಲೊ ಏಕ್ ವ್ಹಡ್ ತಾಳೊ ಹೇ ಪರಿ೦ ಮ್ಹಣಾಲೊ: ಆತಾ೦ ಪುಣ್‌ಯೀ ಮನ್ಶಾ೦ ಮಧೆ೦ ದೆವಾಚೆ೦ ಬಿಡಾರ್ ಜಾಲೆ೦; ತೊ ತಾ೦ಚೇ ಮಧೆ೦ ರಾವ್ತಲೊ. ತಿ೦ ತಾಚಿ ಪರ್ಜಾ ಜಾತಲಿ೦ ಆನಿ ತೊ ತಾ೦ಚೇ ಮಧೆ೦ ಸದಾ೦ಚ್ ಜಿಯೆತಾ ತೊ ದೇವ್ ಜಾತಲೊ. ತಾ೦ಚ್ಯಾ ದೊಳ್ಯಾ೦ತ್ಲಿ೦ ದುಖಾ೦ ತೊ ಪುಸುನ್ ಕಾಡ್ತಲೊ. ಮರಣ್ ವಾ ವಿಳಾಪ್, ರಡ್ಣೆ೦ ವಾ ದೂಖ್ ಆನಿಕ್ ಆಸ್ಚಿ೦ನಾತ್; ಕಿತ್ಯಾಕ್ ಆದ್ಲೊ ಸ೦ಸಾರ್ ಸಗ್ಳೊ ನಾಸ್ ಜಾವ್ನ್ ಗೆಲಾ.- (Rev. 21/3-4)
6) ಮ್ಹಜೆ ಪಾಸತ್ ರಡನಾಕಾತ್
ಜೆಜುನ್ ತಾ೦ಚೇ ಕುಶಿನ್ ಘು೦ವೊನ್ ತಾ೦ಕಾ೦ ಸಾ೦ಗ್ಲೆ೦: ಜೆರುಜಲೆಮಾಚ್ಯಾ ಧುವಾ೦ನೋ! ಮ್ಹಜೇ ಪಾಸತ್ ರಡನಾಕಾತ್, ಪುಣ್ ತುಮ್ಚೇ ಪಾಸತ್ ಆನಿ ತುಮ್ಚ್ಯಾ ಭುರ್ಗ್ಯಾ೦ಬಾಳಾ೦ ಪಾಸತ್ ರಡಾ. ಅಶೆ೦ ಮ್ಹಣ್ಚೆ ದೀಸ್ ಯೆತಲೆ. 'ವಾ೦ಜ್ಡ್ಯೊ, ಪ್ರಸೂತ್ ಜಾ೦ವ್ಕ್ ನಾತ್‌ಲ್ಲ್ಯೊ ಅನಿ ಪಾನೊ ದಿ೦ವ್ಕ್ ನಾತ್‌ಲ್ಲ್ಯೊ ಸ್ತ್ರಿಯೋ ಭಾಗಿಚ್ ಸಯ್!'- (Lk. 23/28-29)
7) ಕೋಣ್ ತೊ ಮ್ಹಾಕಾ
ಅಶೆ೦ ಆಸ್ತಾ೦, ಕೊಣ್ ತೊ ಆಮ್ಕಾ೦ ಕ್ರಿಸ್ತಾಚ್ಯಾ ಮೊಗಾ ಥಾವ್ನ್ ವೆಗ್ಳಿ೦ ಕರ್‍ತಲೊ? ಕಷ್ಟ್ ವಾ ಆಡ್ಚಣಿ? ದಗ್ಧವ್ಣಿ? ಖಾಣಾಜೆವ್ಣಾಚೊ ವಾ ನ್ಹೆಸ್ಣಾಚೊ ತತ್ವಾರ್? ಅಪಾಯ್ ವಾ ತಲ್ವಾರ್? ಪವಿತ್ರ್ ಪುಸ್ತಕಿ೦ ಬರೊವ್ನ್ ಆಸಾ: ತುಜೇ ಪಾಸತ್ ದಿಸಾನ್‌ದೀಸ್ ಮೊರ್ನಾಕ್ ಆಮ್ಕಾ೦ ತಯಾರ್ ಕರ್‍ತಾತ್, ಕಾತ್ರು೦ಕ್ ವ್ಹರ್‍ತಾತ್ ತ್ಯಾ ಬಕ್ರ್ಯಾಬರಿ ಆಮ್ಕಾ೦ ಲೆಖ್ತಾತ್. ಜಾಲ್ಯಾರ್‌ಯೀ ಹ್ಯಾ ಸರ್ವಾ೦ತ್‌ಯೀ ಜಾಣೆ೦ ಆಮ್ಚೊ ಮೋಗ್ ಕೆಲಾ ತಾಚೇ ಮಾರಿಫತ್ ಆಮಿ ಸ೦ಪೂರ್ಣ್ ಜಯ್ತ್ ಜೊಡ್ತಾ೦ವ್. ಕಿತ್ಯಾಕ್ ಇತ್ಲೆ೦ ಹಾ೦ವ್ ಖ೦ಡಿತ್ ಜಾಣಾ೦: ಮರಣ್ ಜಾ೦ವ್ ಜಿವಿತ್ ಜಾ೦ವ್, ದೇವ್‌ದೂತ್ ಜಾ೦ವ್ ಸ೦ಯ್ಭಾವರ್ತ್ಯೊ ಸಕ್ತ್ಯೊ ವಾ ಪದ್ವ್ಯೊ ಜಾ೦ವ್, ಆತಾ೦ಚೊ ಕಾಳ್ ಜಾ೦ವ್ ಪುಡ್ಲೊ ಕಾಳ್ ಜಾ೦ವ್, ಅ೦ತ್ರಾಳ್ ಜಾ೦ವ್ ಪಾತಾಳ್ ಜಾ೦ವ್ - ಕೊಣ್‌ಯೀ ಜಾ೦ವ್ ಕಿತೆ೦ಯೀ ಜಾ೦ವ್ ಜೆಜು ಕ್ರಿಸ್ತಾ ಆಮ್ಚ್ಯಾ ಸೊಮಿಯಾ ಥ೦ಯ್ ಆಮ್ಕಾ೦ ಮೆಳ್ಳಲ್ಯಾ ದೆವಾಚ್ಯಾ ಮೊಗಾ ಥಾವ್ನ್ ಆಮ್ಕಾ೦ ವೆಗ್ಳಿ೦ ಕರು೦ಕ್ ಸಕ್ಚೆ೦ ನಾ.- (Rom. 8/35-37)
8) ಬಾಪಾನ್ ಮ್ಹಾಕಾ ಜೀವ್ ದಿಲಾ
ಮ್ಹಜೆ ಬಕ್ರೆ ಮ್ಹಜೊ ತಾಳೊ ಆಯ್ಕತಾತ್, ಹಾ೦ವ್ ತಾ೦ಕಾ೦ ಒಳ್ಕತಾ೦, ಆನಿ ತೆ ಮ್ಹಜ್ಯಾ ಪಾಟ್ಲ್ಯಾನ್ ಯೆತಾತ್. ಹಾ೦ವ್ ತಾ೦ಕಾ೦ ಸಾಸ್ಣಿಕ್ ಜಿವಿತ್ ದಿತಾ೦ ಆನಿ ತೆ ಕೆದಿ೦ಚ್ ನಾಸ್ ಜಾ೦ವ್ಚೆನಾ೦ತ್, ಮ್ಹಜ್ಯಾ ಹಾತಾ೦ತ್ಲೆ ತಾ೦ಕಾ೦ ವೊಡ್ನ್ ಕಾಡು೦ಕ್ ಕೊಣಾ ವರ್ವಿ೦ಯೀ ಜಾವ್ಚೆ೦ನಾ. ತಾ೦ಕಾ೦ ಮ್ಹಜೇ ಅಧೀನ್ ಕೆಲ್ಲೊ ಮ್ಹಜೊ ಬಾಪ್ ಸಕ್ಟಾ೦ಪ್ರಾಸ್ ವರ್ತೊ; ಆನಿ ಬಾಪಾಚ್ಯಾ ಹಾತಾ೦ತ್ ಥಾವ್ನ್ ತಾ೦ಕಾ೦ ವೊಡ್ನ್ ವ್ಹರು೦ಕ್ ಕೊಣಾಚ್ಯಾನ್‌ಚ್ ಜಾವ್ಚೆ೦ನಾ.- (Jn. 10/27-29)
9) ಮಳ್ಬಾರ್ ಸುರ್ಯೊ ಪ್ರಕಾಸ್ಲಾ
ಸರ್ವೆಸ್ಪರಾ, ಸಗ್ಳ್ಯೊ ತುಜ್ಯೊ ರಚ್ನಾ ತುಕಾ ಅರ್ಗಾ೦ ದಿ೦ವ್, ತುಜೆ ಭಕ್ತ್ ತುಜಿ ಸ್ತುತಿ ಕರು೦. ತುಜೆ ರಾಜ್ವಟ್ಕೆಚಿ ಮಹಿಮಾ ತೆ ವರ್ಣು೦, ತುಜಿ ಪದ್ವಿ ತೆ ಪರ್ಗಟ್ ಕರು೦.- (Ps. 145/10-11)
10) ಯೇಶು ಕಿ ಜೈ ಹೊ
ಪಳೆ, ತೊ ಯೆತಾ ಕುಪಾ೦ ಬರಾಬರ್! ಹರ್‍ಯೆಕ್ಲೊ ತಾಕಾ ಪಳೆತಲೊ, ತಾಕಾ ಕಷ್ಟಿಲ್ಲ್ಯಾ೦ಚೆ ದೊಳೆಯೀ ತಾಚೆರ್ ಪಡ್ತಲೆ. ಸ೦ಸಾರಾ೦ತ್ಲ್ಯೊ ಸಗ್ಳ್ಯೊ ಪರ್ಜಾ ತಾಚೇ ಖಾತಿರ್ ವಿಳಾಪ್ ಕರ್‍ತಲ್ಯೊ. ಖ೦ಡಿತ್ ಜಾವ್ನ್ ಹೆ೦ ಘಡ್ತಲೆ೦! ಆಮೆನ್.- (Rev 1/7)
