Main Promo Images
Send your Prayer Request to jerrydms@yahoo.com
or
Mob: +91-9845391050
ಆಸಾತ್ ತೆ ಯಾಜಕ್ ಸಬಾರ್
ಸುಕಾಳಿಂ ಆನಿ ಆಕಾಳಿಂ ವಾವುರ್ತಾತ್
ದೆವಾಚೊ ಸಬ್ದ್ ಗಾಜಯ್ತಾತ್
ಕ್ರಿಸ್ತಾ ಖಾತಿರ್ ಜೀವ್ಚ್ ದಿತಾತ್!
ತಶೆಚ್ ಆಸಾತ್ ಥೊಡೆ ಯಾಜಕ್
ಜಾವ್ನ್ ಯಾಜಕಿ ವರ್ಗಾಕ್ ಕಳಂಕ್
ತೆ ಯಾಜಕ್ ಜಾಲ್ಯಾತ್ ವ್ಹಯ್
ಪೂಣ್ ಫಕತ್ ನಾಂವಾ ತೆಕಿತ್!
ನಾ ತಾಂಚ್ಯೆ ಥಂಯ್ ಕ್ರಿಸ್ತಾಚೆಂ ಮನ್
ನಾಂತ್ ತೆ ಕ್ರಿಸ್ತಾಚೆ ಗುಣ್
ತರ್ಯಿ ತೆ ಯಾಜಕ್
ನಾಸ್ತಾಂ ಕ್ರಿಸ್ತಾಚಿ ಸಾರ್ಕಿ ವಳಕ್!
ಕ್ರಿಸ್ತಾಕ್ ಆಪ್ಲೆಂ ಮಾತೆಂ ತೆಂಕುಂಕ್
ಖಂಯ್ಸರ್ಯಿ ನಾತ್ಲಲಿ ಸುವಾತ್
ಹಾಂಗಾ ಕೆದೆಂ ಉಬಾರ್ ಕಟ್ಟೊಣ್
ಆನಿ ಕಟ್ಟೊಣಾ ತೆದೆಂಚ್ ವ್ಹಡ್ಪಣ್!
ಶೆರ್ಮಾಂವಾರ್ ಉಲ್ಲೇಖ್ ಕರ್ತಾತ್
ತ್ಯಾ ಮದರ್ ತೆರೆಜಾಕ್
ಪೂಣ್ ತೆ ಖುದ್ದ್ ಕಾರಾರ್ ಥಾವ್ನ್
ಮೇಟ್ ಸಕ್ಲಾ ದವರ್ನಾಂತ್!
ಫಕತ್ ನಾಂವಾ ತೆಕಿತ್
ತೆಂ ಯಾಜಕಿ ಜಿವಿತ್ ತರ್
ಯಾಜಕಾಂ ಪ್ರಾಸ್ ಲಾಯಿಕ್ಚ್
ತ್ಯಾ ಸರ್ಗಾರಾಜಾಂತ್ ಪಯ್ಲೆಂ ರಿಗ್ತಿತ್!
- ಲ್ಯಾನ್ಸಿ ಕಾರ್ಡೊಜಾ ತಾಕೊಡೆ
Friday One Day Retreat Fri Apr 11 @ 8:00AM - 04:00PM |
Saturday One Day Retreat Sat Apr 12 @ 8:00AM - 04:00PM |
Thursday One Day Retreat Thu Apr 17 @ 8:00AM - 04:00PM |
No events |
ಬದ್ಲನಾ ಸ್ವಭಾವ್
ಮನ್ಶಾಚೊ ಸ್ವಭಾವ್
ಪಾಳ್ಣ್ಯಾ ಥಾವ್ನ್
ಪೆಟೆ ಪರ್ಯಾಂತ್
ಸ್ವಭಾವ್ ವಾ ನೇಚರ್
ಬದ್ಲಜೆ ತರ್
ಲಾಗಜೆ ಕಾಳ್ಜಾಕ್
ತಿ ಭಾಲಿ ಕಾಳ್ಜಾಕ್!
ಬದ್ಲನಾ ದಸ್ಕತ್
ಮನ್ಶಾಚಿ ದಸ್ಕತ್
ಸುರ್ವೆರ್ ಥಾವ್ನ್
ಆಕೆರ್ ಪರ್ಯಾಂತ್
ದಸ್ಕತ್ ವಾ ಸಿಗ್ನೇಚರ್
ಬದ್ಲಜೆ ತರ್
ಲಾಗಜೆ ಬೊಟಾಕ್
ತಿ ಸುರಿ ಬೊಟಾಕ್!
ಬದ್ಲುಂ ಆಮ್ಚೆಂ ಜಿವಿತ್
ಲಾಗುಂ ಆಮ್ಚ್ಯಾ ಕಾಳ್ಜಾಕ್
ದೆವಾಚೆಂ ಉತರ್
ದೋನ್ ಧಾರಿಂಚಿ ತಲ್ವಾರ್!!
- ಲ್ಯಾನ್ಸಿ ಕಾರ್ಡೊಜಾ ತಾಕೊಡೆ
We have 343 guests and no members online