Upcoming Events

Send your Prayer Request to [email protected]

or

Mob: +91-9845391050

ಪಸ ಪಸ ಪಿರಿ ಪಿರಿ
ವಾ ಬಸ ಬಸ ಬಿರಿ ಬಿರಿ
ಪಾವ್ಸ್ ಕಸೊಯ್ ಆಯ್ಲ್ಯಾರ್‌ಯಿ
ಕೆದ್ನಾಂಯ್ ಜೆರಿ ಆನಿ ಹೆರಿ
ಪುರ್ಪುರ್‍ನಾ ಜಾಂವ್ ಚರಿ ಪಿರಿ!

ಪುರ್ಪುರ್‍ಚ್ಯೆ ಪ್ರಾಸ್ ತಾಣಿಂ
ದಾದ್ಲ್ಯಾಂನಿ ತಶೆಂ ಚೆಡ್ಯಾಂನಿ
ವೆತಾನಾ ಖಂಯ್ಸರ್‌ಯಿ
ತಿ ಸತ್ರಿ ವ್ಹರ್‍ಚಿ ಬರಿ
ಧಾಕ್ಟಿ ವಾ ತ್ರಿ ಫೋಲ್ಡ್ ಕರ್‍ಚಿ

ಹಳು ಹಳು ಹೊಕ್ಲ್ಯೆ ಪರಿಂ
ವಾ ದಡಬಡ ಶಿರಾಂಧಾರಿ
ಪಾವ್ಸ್ ಕಸೊಯ್ ಆಯ್ಲ್ಯಾರ್‌ಯಿ
ಕೆದ್ನಾಂಯ್ ಐರಿ ಆನಿ ಮೇರಿ
ಉಲಯ್ನಾ ಜಾಂವ್ ಕಿರಿ ಕಿರಿ!

ಉಲೊಂವ್ಚ್ಯೆ ಪ್ರಾಸ್ ತಾಣಿಂ
ಸ್ತ್ರೀಯಾಂನಿ ತಶೆಂ ಚೆಡ್ವಾಂನಿ
ವೆತಾನಾ ಖಂಯ್ಸರ್‌ಯಿ
ತಿ ಸತ್ರಿ ವ್ಹರ್‍ಚಿ ಬರಿ
ನಿಳ್ಶಿ, ತಾಂಬ್ಡಿ ವಾ ಫುಲಾಂಚಿ

ಶೆಣೊ ಶೆಣೊ ಪಡ್ಲ್ಯಾರ್‌ಯಿ
ಮೊಟೊ ಮೊಟೊ ವೊತ್ಲ್ಯಾರ್‌ಯಿ
ಸಕ್ಡಾಂಕ್ ಜಾಂವ್ ಖುಶಿ
ಕಿತ್ಯಾಕ್, ಪಾವ್ಸ್ ಕಸೊಯ್ ಧಾಡ್ಚಿ
ತಿ ದೆವಾಚಿ ಖುಶಿ

 - ಲ್ಯಾನ್ಸಿ ಕಾರ್ಡೊಜಾ ತಾಕೊಡೆ