Main Promo Images
Sun | Mon | Tue | Wed | Thu | Fri | Sat |
(ಹೋಸೇಯಾ 6:6)
ಮ್ಹಾಕಾ ಆಸಾ ತೊ ದ್ವೇಷ್
ತುಕಾಯ್ ಆಸಾ ತೊ ದ್ವೇಷ್
ಆಸ್ಲ್ಯಾರ್ಯಿ ಆಮ್ಕಾಂ ದ್ವೇಷ್
ಆಮಿ ಭೆಟಯ್ತಾಂವ್ ಮೀಸ್!
ಅರ್ಗಾಂ ಮೀಸ್ ಬರೆಂಚ್
ತೆಂ ಬಲಿದಾನ್ಯಿ ಬರೆಂಚ್
ಪೂಣ್ ತೆಂ ಆಮ್ಚೆಂ ಕೆದ್ನಾಂಯ್
ಅಧುರೆಂ ವಾ ಅರ್ಧೆಂಚ್!
ಹಾಂವ್ ಚುಕನಾ ಮೀಸ್
ತುಂಯ್ ಚುಕನಾಯ್ ಮೀಸ್
ತರ್ಯಿ ಮಿಸಾ ಉಪ್ರಾಂತ್
ಆಮ್ಚೆಂ ಆಸನಾ ಮೀಸ್!
ಹಾಂವ್ ಏಕ್ ಕ್ರಿಸ್ತಾಂವ್
ತುಂಯ್ ಏಕ್ ಕ್ರಿಸ್ತಾಂವ್
ಪೂಣ್ ವಿಪರ್ಯಾಸ್
ಕ್ರಿಸ್ತಾಕ್ ಆಮಿ ವಳ್ಕನಾಂವ್!
ವ್ಹಯ್ ಹಾಂವೆಂ ವಳ್ಕಜೆ ಕ್ರಿಸ್ತಾಕ್
ತುವೆಂಯ್ ವಳ್ಕಜೆ ಕ್ರಿಸ್ತಾಕ್
ಕಿತ್ಯಾಕ್ ತಾಕಾ ಜಾಯ್ ಮೋಗ್
ನ್ಹಯ್ ಫಕತ್ ಮೀಸ್!!
- ಲ್ಯಾನ್ಸಿ ಕಾರ್ಡೊಜಾ ತಾಕೊಡೆ, ಅಲಂಗಾರ್
We have 279 guests and no members online
No events |
5 Days Residential Retreat Sun Apr 14 @ 5:30PM - Thu Apr 18 @ 2:00PM |
ಹಿ ಗಜಾಲ್ ಮಾತ್ರ್ ಮಾತ್ಶಿ
ಮಂಗ್ಳುರ್ಕಾರಾಂ ಪರಿಂ
ಕೊಣ್ ಎಕ್ಲೊ ಬರೊ ಜಾತಾನಾ
ಹೊ ಎಕ್ಲೊ ಪಿಡೆಸ್ತ್ ಜಾತಾ!
ಹೊ ಪಿಡೆನ್ ಪಡ್ಚೊ ಚೋರ್
ಕುಸುನ್ ಘಾಣ್ತಾ ಭಿತರ್
ಆನಿ ಹ್ಯಾ ಎಕಾ ಚೊರಾಕ್
ಖಂಯ್ಚೆಂಯ್ ವಕತ್ ನಾ!
ಹಿ ಗಜಾಲ್ ಮಾತ್ರ್ ಸಾರ್ಕಿ
ತ್ಯೆ ಕುರ್ಲ್ಯಾ ಪರಿಂ
ಕೊಣ್ ಎಕ್ಲೊ ವಯ್ರ್ ವೆತಾನಾ
ಹೊ ಎಕ್ಲೊ ಸಕ್ಲಾ ವೊಡ್ತಾ!
ಹೊ ಸಕ್ಲಾ ವೊಡ್ಚೊ ಚೋರ್
ಖುಶೆನ್ ಹಾಸ್ತಾ ಮಾಗಿರ್
ಆನಿ ಹ್ಯಾ ವ್ಹಡ್ ಚೊರಾಕ್
ಕಸಲೆಂಯ್ ವಕತ್ ನಾ!
ಹಿ ಗಜಾಲ್ ಮಾತ್ರ್ ಪುರ್ತಿ
ತ್ಯಾ ಕಾಯ್ನಾ ಪರಿಂ
ಕೊಣ್ ಎಕ್ಲೊ ಬರೆಂ ಕರ್ತಾನಾ
ಹಿ ಎಕ್ಲೊ ಜಿವೆಶಿಂ ಮಾರ್ತಾ!
ಹೊ ಜೀವ್ ಕಾಡ್ಚೊ ಚೋರ್
ಮ್ಹಳ್ಯಾರ್ ಮಸರ್
ಆನಿ ಹ್ಯಾ ಮಹಾ ಚೊರಾಕ್
ಖಂಯ್ಸರ್ಯಿ ವಕತ್ ನಾ!!
- ಲ್ಯಾನ್ಸಿ ಕಾರ್ಡೊಜಾ ತಾಕೊಡೆ, ಅಲಂಗಾರ್