Upcoming Events

Send your Prayer Request to [email protected]

or

Mob: +91-9845391050

ಕ್ರಿಸ್‌ಮಸ್ ಮ್ಹಣ್
ಕರ್‍ತಾಂ ತರ್ ಫ್ಯಾಶನ್
ಮ್ಹಜ್ಯೆ ಥಂಯ್
ಕ್ರಿಸ್ತಾಚೆ ಜನನ್
ಜಾಂವ್ಕ್ ನಾ ಆಜುನ್!

ಕ್ರಿಸ್ತಾಚೆಂ ಜನನ್
ಜಾಯ್ಜೆ ಮ್ಹಜ್ಯಾ ಕಾಳ್ಜಾಂತ್
ಆನಿ ತೊ ಆಸ್ತಾನಾ ಕಾಳ್ಜಾಂತ್
ಹಿ ಮ್ಹಜಿ ಕೂಡ್
ಜಾತಾ ನ್ಹಯ್ ಮಂದಿರ್?

ಕ್ರಿಸ್‌ಮಸ್ ಮ್ಹಣ್
ಪಿಯೆತಾಂ ತರ್ ನಾಕ್ ಭರ್
ಮ್ಹಜ್ಯೆ ಥಂಯ್
ಕ್ರಿಸ್ತಾಚೆಂ ಜನನ್
ಜಾಂವ್ಕ್ ನಾ ಆಜುನ್!

ಕ್ರಿಸ್ತಾಚೆ ಜನನ್
ಜಾಯ್ಜೆ ಮ್ಹಜ್ಯಾ ಕಾಳ್ಜಾಂತ್
ಆನಿ ತೊ ಆಸ್ತಾನಾ ಕಾಳ್ಜಾಂತ್
ಹಿ ಮ್ಹಜಿ ಕೂಡ್
ಭರ್‍ತಾ ನ್ಹಯ್ ಪವಿತ್ರ್ ಅತ್ಮ್ಯಾನ್?

ಕ್ರಿಸ್ತಾಚೆಂ ಜನನ್
ಜಾಯ್ನಾ ತರ್ ಕಾಳ್ಜಾಂತ್
ಹೊ ಸಂಭ್ರಮ್ ವ್ಯರ್ಥ್
ಆನಿ ಹೆಂ ಕ್ರಿಸ್‌ಮಸ್
ಜಾತಾ ಕ್ರಿಸ್ತ್ ನಾತ್ಲಲೆಂ ಫೆಸ್ತ್!!

- ಲ್ಯಾನ್ಸಿ ಕಾರ್ಡೊಜಾ ತಾಕೊಡೆ