Upcoming Events

ಹಾಂವ್ ಮಂಗ್ಳುರ್ ಆಸಾಂ ವ್ಹಯ್
ಪೂಣ್ ಮಂಗ್ಳುರ್‍ಚೊ ನ್ಹಯ್
ದೆಕುನ್ ಮ್ಹಜಿ ಧಾದೊಸ್ಕಾಯ್
ಅಪುರ್ಬಾಯ್‌ಚ್ ಸಯ್

ತಿಂ ಬಲಿದಾನಾಂ ಸದಾಂಯ್
ನ್ಹಯ್ ಮ್ಹಜಿ ಧಾದೊಸ್ಕಾಯ್
ಬಗರ್ ಮ್ಹಜಿ ಧಾದೊಸ್ಕಾಯ್
ದುಬ್ಳ್ಯಾಂ ಥಂಯ್ ದಯಾಳಾಯ್

ಲಡಾಯ್ ವಾ ದುಸ್ಮಾನ್‌ಕಾಯ್
ನ್ಹಯ್ ಮ್ಹಜಿ ಧಾದೊಸ್ಕಾಯ್
ಬಗರ್ ಮ್ಹಜಿ ಧಾದೊಸ್ಕಾಯ್
ಸಕ್ಡಾಂ ಥಂಯ್ ಸೊಸ್ಣಿಕಾಯ್

ವ್ಹಡ್ವಿಕಾಯ್ ಬಡಾಯ್ ಗ್ರೆಸ್ತ್‌ಕಾಯ್
ನ್ಹಯ್ ಮ್ಹಜಿ ಧಾದೊಸ್ಕಾಯ್
ಬಗರ್ ಮ್ಹಜಿ ಧಾದೊಸ್ಕಾಯ್
ಲ್ಹಾನಾಂ ಥಂಯ್ ಲ್ಹಾನ್ವಿಕಾಯ್

ಕುಡಿಚಿ ಕೆಸಾಂಚಿ ಸುಂರ್ಗಾರಾಯ್
ನ್ಹಯ್ ಮ್ಹಜಿ ಧಾದೊಸ್ಕಾಯ್
ಬಗರ್ ಮ್ಹಜಿ ಧಾದೊಸ್ಕಾಯ್
ಅತ್ಮ್ಯಾಚಿ ವಾ ಭಿತರ್‍ಲಿ ಸೊಬಾಯ್

ಜಾಣ್ತಿಕಾಯ್ ವಾ ಬುದ್ವಂತ್‌ಕಾಯ್
ನ್ಹಯ್ ಮ್ಹಜಿ ಧಾದೊಸ್ಕಾಯ್
ಬಗರ್ ಮ್ಹಜಿ ಧಾದೊಸ್ಕಾಯ್
ಪವಿತ್ರ್ ಪುಸ್ತಕಾಚಿ ಜಾಣ್ವಾಯ್

ಹಾಂವ್ ಸಂಸಾರಾಂತ್ ಆಸಾಂ ವ್ಹಯ್
ಪೂಣ್ ಸಂಸಾರಾಚೊ ನ್ಹಯ್
ದೆಕುನ್ ಮ್ಹಜಿ ಧಾದೊಸ್ಕಾಯ್
ಅಪುರ್ಬಾಯ್‌ಚ್ ಸಯ್

- ಲ್ಯಾನ್ಸಿ ಕಾರ್ಡೊಜಾ ತಾಕೊಡೆ, ಅಲಂಗಾರ್