Main Promo Images
ಇ೦ಗ್ಲಿಷಾ೦ತ್ ಏಕ್ ಸಾ೦ಗ್ಣಿ ಆಸಾ ಆನಿ ತಾಚೊ ಅರ್ಥ್ ಜಾವ್ನಾಸಾ "ಜೊ ವೆಗ್ಗಿ೦ ನಿದ್ತಾ ಆನಿ ವೆಗ್ಗಿ೦ ಉಟ್ತಾ, ತೊ ಸದಾ೦ಚ್ ಭಲಾಯ್ಕಿ, ಸ೦ಪತ್ತಿ ಆನಿ ಜಾಣ್ವಾಯ್ ಜೊಡ್ತಾ". ಪೂಣ್ ಆತಾ೦ ವೇಳ್ ಬದಲ್ಲಾ. ಹ್ಯಾ ದಿಸಾನಿ೦ ಲೋಕ್ ವೇಳ್ ಕರ್ನ್ ನಿದ್ತಾ ಆನಿ ವೇಳ್ ಕರ್ನ್ ಉಟ್ತಾ. ದೆಕುನ್, ಜಾಯ್ತೆ೦ ಬೊರೆ೦ಪಣ್ ಹೊಗ್ಡಾಯ್ತಾ. ವ್ಹಯ್, ಮೊಗಾಚಾನೊ೦, ಅವ್ಕಾಸ್ ಸುಕ್ಲ್ಲೊ ಪಾಟಿ೦ ಮೆಳಾನಾ೦. ದೆಕುನ್ ಕಿತೆ೦ ಕರು೦ಕ್ ಆಸಾ ತೆ೦ ಆಮಿ೦ ವೆಳಾರ್ ಕರು೦ಕ್ ಜಾಯ್. ಇ೦ಗ್ಲಿಷಾ೦ತ್ ಆನ್ಯೇಕ್ ಸಾ೦ಗ್ಣಿ ಆಸಾ, "ವೆಳಾರ್ ತು೦ ಪಿ೦ದ್ಲ್ಲೆ ಶಿ೦ವ್ತಾಯ್ ತರ್, ನೋವ್ ಕಡೆ೦ ಪಿ೦ದ್ಚೆ೦ ಚುಕಯ್ತಾಯ್". ದೆಕುನ್ ಆಮಿ ಸಕ್ಕಡ್, ವೆಳಾರ್ ಸಗ್ಳೆ೦ ಕರು೦ಕ್ ಪಳೆವ್ಯಾ೦. ಆಳ್ಶಿ ಮ್ಹನಿಸ್ ದುಬ್ಳಿಕಾಯ್ ಹಾಡ್ತಾ. ಆನಿ ಆಳ್ಶಿ ಮ್ಹನಿಸ್ ಸೈತಾನಾಕ್ ಇಡೆ೦ ದಿತಾ. ದೆಕುನ್ ದೆವಾಚೆ೦ ಉತಾರ್ ಆಮ್ಕಾ೦ ಸಾ೦ಗ್ತಾ "ಆಳ್ಶ್ಯಾ, ಮುಯೆ ಸರ್ಶಿ೦ ವೊಚ್, ತಿಚಿ ಚಾಲ್ ಪಳೇ ಆನಿ ಜಾಣ್ವಾಯ್ ಶಿಕ್. ತಿಕಾ ಪುಡಾರಿ ನಾ೦ತ್, ಅಧಿಕಾರಿ ವಾ ಅಧಿಪತಿ ನಾ೦ತ್. ತರೀ ತಿ ಗಿಮಾ೦ತ್ ಖಾಣ್ ಎಕ್ಟಾ೦ಯ್ ಕರ್ತಾ, ಲು೦ವ್ಣೆಚಾ ವೆಳಾರ್ ವರವ್ ಜಮಾ ಕರ್ತಾ. ಆಳ್ಶ್ಯಾ ಕಿತ್ಲೊ ವೇಳ್ ತು೦ ನಿದ್ತಾಯ್? ತು೦ ನಿದೆ೦ತ್ಲೊ ಕೆದ್ನಾ ಉಟ್ತಾಯ್? ಇಲ್ಲಿ ನೀದ್, ಇಲ್ಲಿ ಝೆಮ್, ವಿಶೆವಾ ಖಾತಿರ್ ಇಲ್ಲೊ ವೇಳ್ ಹಾತ್ ಬಾ೦ದುನ್ ರಾ೦ವ್ಚೆ೦ ಆನಿ ತೆದ್ನಾ೦ ದುಬ್ಳಿಕಾಯ್ ತುಜೆರ್ ಎಕಾ ಚೊರಾ ಬರಿ೦ ಯೆತೆಲಿ. ದಳ್ದಿರ್ಪಣ್ ಎಕಾ ಸಶಸ್ತ್ರ್ ಮನ್ಶ್ಯಾ ಬರಿ ತುಜೆರ್ ಪಡ್ತೆಲೆ೦" (ಮ್ಹಣ್ಣ್ಯೊ. 6:6-11).
ಸ೦ಸಾರಾ೦ತ್ ಜಲ್ಮಾಲ್ಲೊ ಹರ್ಯೆಕ್ಲೊ ಮ್ಹನಿಸ್, ಆಪ್ಣೆ೦ ನಾ೦ವ್ ಜೊಡಿಜೈ, ಸರ್ವಾ೦ಕ್ ಆಪ್ಣಾಚಿ ವ್ಹಳಕ್ ಆಸಜೈ, ಆನಿ ಆಪ್ಣೆ೦ ಸರ್ವಾ೦ಚಾ ಮ್ಹನಾ೦ತ್ ರಾಜ್ ಕರಿಜೈ ಮ್ಹಣ್ ಆಶೆತಾ. ಪೂಣ್ ಆಮಿ ಸರ್ವಾನಿ೦ ಆಯ್ಕಾಲಾ೦. ಕಷ್ಟ್ ನಾಸ್ತಾನಾ ಸುಖ್ ಮೆಳಾನಾ. ಜಯ್ತಾಚಾ ಪಾ೦ವ್ಡಾರ್, ರಾವಾಜೈ ತರ್, ಆಮಿ ಜಾಯ್ತೆ ಕಷ್ಟ್ ಕಾಡಿಜೈ ಮ್ಹಣ್ ಸರ್ವಾ೦ಕ್ ಕಳಿತ್ ಆಸಾ. ಸಾ೦ ಪಾವ್ಲ್ ತಿಮೊಥಿಕ್ ಬೊರೊವ್ನ್ ಅಶೆ೦ ಮ್ಹಣ್ತಾ "ಮ್ಹಜೆ೦ ಝುಜ್ ಹಾ೦ವ್ ಬೊರೊ ಝುಜ್ಲಾ೦; ಶೆವಟ್ ಪರ್ಯಾನ್ ಮ್ಹಜಿ ಧಾ೦ವ್ ಹಾ೦ವ್ ಧಾ೦ವ್ಲಾ೦, ಮ್ಹಜೊ ಭಾವಾರ್ಥ್ ಹಾ೦ವೆ ಸಾ೦ಬಾಳ್ಳಾ, ಆತಾ೦ ನಿತಿವ೦ತ್ಪಾಣಾಚೊ ಮುಕುಟ್ ಮ್ಹಾಕಾ ತಯಾರ್ ದವರ್ಲೊಲೊ ಆಸಾ. ಹೊ ಮುಕುಟ್ ನಿತಿಚೊ, ಮುನ್ಸುಬಿದಾರ್ ಮ್ಹಣ್ತಾತ್ ತೊ ಸೊಮಿ ತ್ಯಾ ನಿಮಾಣ್ಯಾ ದಿಸಾ ಮ್ಹಾಕಾ ದಿತಾಲೊ, ಮ್ಹಾಕಾ ಮಾತ್ರ್ ನೈ೦, ತಾಚಾ ಯೆಣ್ಯಾಕ್ ಅತ್ರೆಗಾನ್ ಆಸ್ಲಲ್ಯಾ ಸಮೇಸ್ತಾ೦ಕ್ಯೀ ತೊ ದಿತಾಲೊ" (2 ತಿಮೊಥಿ 4:7-8)
ಜೆಜುನ್ ಮ್ಹಳಾ೦ "ಸ೦ಸಾರಾ೦ತ್ ತುಮ್ಕಾ೦ ಖ೦ತ್ ಬೆಜಾರಾಯ್ ಆಸ್ತೆಲಿಚ್. ಪೂಣ್ ಧಯ್ರ್ ಘೆಯಾ, ಹಾ೦ವೆ ಸ೦ಸಾರಾಚೆರ್ ಜಯ್ತ್ ವೆಲಾ೦" (ಜುವಾ೦ವ್. 16:33)
ವ್ಹಯ್, ಮೊಗಾಚಾನೊ೦, ಮ್ಹನಿಸ್ ಹ್ಯಾ ಸ೦ಸಾರಾ೦ತ್ ಜಾಯ್ತೆ ರಿತಿನ್ ಕಷ್ಟತಾ. ಜಾಯ್ತೊ ಲೋಕ್ ತಾ೦ಚೆ೦ ಕಷ್ಟ್ ಆನಿ ಸಮಸ್ಯೆ ಘೆವ್ನ್ ಮ್ಹಜೆ ಸರ್ಶಿ೦ ಯೆತಾತ್. ತಾ೦ಚೆ ಪಯ್ಕಿ ಸಬಾರ್ ಜಣಾ೦ ಪಿಡೆ ವರ್ವಿ೦ ಕಷ್ಟಾತಾನಾ, ಆನಿ ಥೊಡಿ೦ ದುಬ್ಳಿಕಾಯೆ ವರ್ವಿ೦, ಆನ್ನ್ಯಾಯಾ ವರ್ವಿ೦, ದುಸ್ಮಾನ್ಕಾಯೆ ವರ್ವಿ೦, ಆನಿ ಕೊಣಿ ಝಗ್ಡೆ, ದ್ವೇಷ್, ರಾಗ್, ಫಾರಿಕ್ಪಣಾಚಾ ಭಗ್ಣಾನಿ೦, ಆನಿ ಕೊಣಿ ಮಾನಾಸಿಕ್ ಪಿಡೆನ್, ವೆಗ್ಳಾಚಾರ್, ವಿಚ್ಛೆಧನ್, ಕಾಮ್ ನಾಸ್ತಾನಾ೦ ಕುಟ್ಮಾ೦ತ್ ಎಕ್ವಟ್ ನಾಸ್ತಾನಾ೦, ಆನಿ ಜಾಯ್ತಿ೦ ಜಣಾ೦ ಪಾತ್ಕಾ೦ಚಾ ಕಾ೦ತೊವ್ಣೆನ್, ಅಶೆ೦ ಹರ್ಯೆಕ್ಲೊ ಹ್ಯಾ ಸ೦ಸಾರಾ೦ತ್ ಏಕ್ ನಾ೦ ಏಕ್ ಕಷ್ಟ್ ಸೊಸುನ್ ಆಸಾ. ಪೂಣ್ ಹ್ಯಾ ಸರ್ವ್ ಕಷ್ಟಾ೦ಕ್ ಪರಿಹಾರ್ ಜಾವ್ನಾಸಾ ಜೆಜು. ದೆಕುನ್ ತಾಚೆರ್ ಭರ್ವೊಸೊ ದವರ್ನ್, ತಾಕಾ ಲಾಗಿ೦ ಸರಾ. ಜರ್ ತರ್ ತುಮಿ ಹಾ೦ಗಾಸರ್ ಸಕಯ್ಲ್ ಕಳಯ್ಲ್ಯಾ ಖ೦ಚಾಯೀ ಕಷ್ಟಾ೦ತ್ ಸಾ೦ಪಡ್ಲ್ಯಾತ್ ತರ್, ಜೆಜು ಥೈ೦ ಮಾತ್ರ್ ತುಮ್ಕಾ೦ ಸುಟ್ಕಾ ಆಸಾ.
ತುಮ್ಚೆ೦ ಪಯ್ಕಿ ಕೋಣ್ ಪಾತ್ಕಾ೦ಚೆ೦, ರಿಣಾಚೆ೦ ಆನಿ೦ ಎಕ್ಸುರ್ಪಣಾಚೆ೦ ವೊಜೆ೦ ಘೆವ್ನ್ ಆಸಾತ್. ತಾ೦ಕಾ ಜೆಜು ಮ್ಹಣ್ತಾ "ಯೆಯಾ ಮ್ಹಜೆ ಸರ್ಶಿ೦ ಸಮೇಸ್ತ್ ತುಮಿ೦ ಕಷ್ಟತಲ್ಯಾ೦ನೋ ಆನಿ ವಜನ್ ವಾವಾಯ್ತಲ್ಯಾನೊ೦, ಆನಿ ಹಾ೦ವ್ ತುಮ್ಕಾ೦ ವಿಶೆವ್ ದಿತಾಲೊ೦ ಮ್ಹಜೆ೦ ಜೂ೦ ತುಮ್ಚ್ಯಾ ಖಾ೦ದಾರ್ ಘೆಯಾ ಆನಿ ಮ್ಹಜೆಲಾಗ್ಚೆ೦ ಶಿಕಾ, ಕಿತ್ಯಾಕ್ ಹಾ೦ವ್ ಬೊಳ್ಯಾ ಆನಿ ಖಾಲ್ತ್ಯಾ ಕಾಳ್ಜಾಚೊ, ಆನಿ ತುಮ್ಕಾ೦ ಸಮಾಧಾನ್ ಮೆಳ್ತಲೆ೦. ಕಿತ್ಯಾಕ್ ಮ್ಹಜೆ೦ ಜೂ೦ ವಾವೊ೦ವ್ಕ್ ಸುಲಭ್ ಮ್ಹಜೆ೦ ವೊಜೆ೦ ಹಾಳು" (ಮಾತೆವ್. 11:28-30)
ಆಮ್ಕಾ೦ಚ್ ಆಮಿ ವಿಚಾರು೦ಕ್ ಜಾಯ್, ಹಾ೦ವ್ ಜಿಯೆತಾ೦ ಖಾ೦ವ್ಕ್ ವ ಹಾ೦ವ್ ಖಾತಾ೦ ಜಿಯೆ೦ವ್ಕ್? ಜಾಯ್ತೊ ಲೋಕ್ ಸ೦ಸಾರಾ೦ತ್, ಖಾಣಾ೦ ವಿಶ್ಯಾ೦ತ್, ನೆಸ್ಣಾ೦ ವಿಶ್ಯಾ೦ತ್, ಆನಿ ಖೈ೦ ರಾ೦ವ್ಚೆ೦ ಮ್ಹಳ್ಳ್ಯಾ ವಿಶ್ಯಾ೦ತ್ ಖ೦ತ್ ಕಾಡ್ತಾ. ಮೊಗಾಚ್ಯಾ೦ನೊ ಜೆಜು ಆಮ್ಕಾ೦ ಸಾ೦ಗ್ತಾ ತುಮ್ಚ್ಯಾ ಜಿವಾಕ್ ಕಿತೆ೦ ಖಾ೦ವ್ಚೆ, ಜೆ೦ವ್ಚೆ೦ ಆನಿ ತುಮ್ಚೆ ಕುಡಿಕ್ ಕಿತೆ೦ ನೆಸ್ಚೆ೦ ಪಾ೦ಗರ್ಚೆ೦ ಮ್ಹಣೊನ್ ಲೆಖಾ ವರ್ತೊ ಹುಸ್ಕೊ ತುಮ್ಕಾ೦ ನಾಕಾ. ಖಾಣಾ ಪ್ರಾಸ್ ಜೀವ್ ವರ್ತೊ ಆನಿ ನೆಸ್ಣಾ೦ ಪ್ರಾಸ್ ಕೂಡ್ ವರ್ತಿ ನ೦ಯ್? (ಮಾತೆವ್. 6:25). ಆಮಿ ಸಕ್ಕಡ್ ಆಮ್ಚ್ಯಾ ಕುಡಿಚಾ ಗರ್ಜಾ೦ ವಿಶ್ಯಾ೦ತ್ ಚಡ್ ಖ೦ತ್ ಕಾಡ್ತಾ೦ವ್. ಪೂಣ್ ಜೆಜು ಆಮ್ಕಾ೦ ಸಾ೦ಗ್ತಾ ಜೀವ್ ದಿ೦ವ್ಚೊ ಪ್ರೇರಕ್ ಆತ್ಮ್ಯಾನ್, ಮನಿಸ್ ಖಾ೦ಚಾಯ್ಕಿ ಉಪ್ಕಾರನಾ. ಹಾ೦ವ್ ತುಮ್ಚೆ೦ಲಾಗಿ೦ ಉಲಯ್ಲಾ೦ ತಿ೦ ಉತ್ರಾ೦ ಅತ್ಮೀಕ್ ಜೀವ್ ದಿ೦ವ್ಚಿ೦. (ಜುವಾ೦ವ್. 6:63)
ಡಾಯ್ ಉಲೊಂವ್ಚಿ ನ್ಹಯ್
ಮಿಶಿಯೊ ವೊಳಾಂವ್ಚ್ಯೊ ನ್ಹಯ್
ಕಿತ್ಯಾಕ್ ದೆವಾ ಶಿವಾಯ್
ಕಾಡಿ ಸಯ್ತ್ ಹಾಲನಾ ಕಂಯ್!
ತುಂ ಉಲಯ್ ತಿ ವಡ್ವಿಕ್ ಉಲಯ್
ಫಕಾತ್ ಸೊಮ್ಯಾಚಿ ಉಲಯ್
ತ್ಯೆ ಸೊಮ್ಯಾಕ್ ವಿಸ್ರುನ್
ತುವೆಂ ಕುವಾಳೆ ಕಾತರ್ಚೆ ನ್ಹಯ್!
ದೆವಾನ್ ರಚ್ಲಾ ರವಿಕ್
ತಾಚಿ ದಾವ್ ತಾಣೆಂ ಚಡಯ್ಲ್ಯಾರ್
ಬಡಾಯ್ ಉಲೊಂವ್ಚಿ ಜೀಬ್
ಹುಲ್ಪುನ್ ಗೊಬರ್ ಜಾಯ್ತ್!
ಸೊಮ್ಯಾಕ್ ರಚ್ಲಾ ಸುರ್ಯಾಕ್
ತಾಚಿ ಧಗ್ ಚಡಯ್ಲ್ಯಾರ್
ವೊಳಾಂವ್ಚ್ಯೊ ಮಿಶಿಯೊ ಲಾಂಬ್
ಕರ್ಪುನ್ ಸರ್ಮುಣ್ ಜಾತಿತ್!
ಬಡಾಯ್ ಉಲೊಂವ್ಚಿ ನ್ಹಯ್
ಮಿಶಿಯೊ ವೊಳಾಂವ್ಚ್ಯೊ ನ್ಹಯ್
ಏಕ್ ಶೆಣ್ ಪಾವ್ಸ್ ಸಯ್ತ್
ತುಜ್ಯಾನ್ ಧಾಡುಂಕ್ ಜಾಯ್ತ್!
- ಲ್ಯಾನ್ಸಿ ಕಾರ್ಡೊಜಾ ತಾಕೊಡೆ, ಅಲಂಗಾರ್
We have 263 guests and no members online
Saturday One Day Retreat Sat Apr 20 @ 8:00AM - 04:00PM |
Saturday One Day Retreat Sat Apr 27 @ 8:00AM - 04:00PM |
Friday One Day Retreat Fri May 03 @ 8:00AM - 04:00PM |
5 Days Residential Retreat Sun May 05 @ 5:30PM - Thu May 09 @ 2:00PM |
ಆಸುಂ ತ್ಯಾ ಯೂ ಟ್ಯುಬಾರ್ ವಿವ್ಸ್
ಧಾ ಹಜಾರ್ ವಾ ಚಡ್ಚ್
ಪೂಣ್ ಹಾಂವೆಂ ದಿಲ್ಲಿ ಸಾಕ್ಸ್
ಹಾಂವ್ ಜಾಲಾಂಗಿ ಮ್ಹಳ್ಳೆಂ ಗರ್ಜ್!
ತಿ ರೆತಿರ್ ಜಾತಚ್ ಸಾಕ್ಸ್ ದಿವ್ನ್
ಸಂಸಾರಾಕ್ ಪಾಟಿಂ ವೆತಾಂ ತರ್
ದೆವಾಚೆಂ ಉತರ್ ಮ್ಹಜ್ಯೆ ಭಿತರ್
ಖಡ್ಪಿ ಸುವಾತೆರ್ ಪಡ್ಲಲ್ಯೆ ಬರಿಂಚ್!
ಹಿ ನ್ಹಯ್ ಮ್ಹಜಿ ಖರಿ ಸಾಕ್ಸ್
ಹಿ ಏಕ್ ಮ್ಹಜಿ ಫಟ್ಕಿರಿ ಸಾಕ್ಸ್
ಹಿ ಸಾಕ್ಸ್ ದಿಂವ್ಕ್ಯಿ ಭಾರಿ ಸಲಿಸ್
ಆನಿ ತಿ ದಿತಾನಾ ದೆಂವ್ಚಾರ್ಯಿ ಖುಶ್!
ವ್ಹಯ್ ಖಂಡಿತ್ ಆಸುಂ ಮ್ಹಜಿ ಸಾಕ್ಸ್
ತಿ ದಿಂವ್ ಹೆರಾಂಕ್ಯಿ ಪ್ರೇರಣ್
ಪೂಣ್ ಹಾಂವೆಂ ಸಾಕ್ಸ್ ದಿವ್ನ್
ಪುಸ್ಕ್ ಜಾಂವ್ಚೆಂ ನ್ಹಯ್ ಕೆದಿಂಚ್!
ಸಾಕ್ಸ್ ದಿವ್ನ್ ಪುಸ್ಕ್ ಜಾಂವ್ಚ್ಯೆ ಪ್ರಾಸ್
ಹಾಂವೆಂಚ್ ಹಾತಾಂ ಪಾಯಾಂಕ್
ದೊವೆಚ್ ಗ್ಲೌಸ್ ಆನಿ ಸೊಕ್ಸ್ ಘಾಲ್ನ್
ವೆಗಿಂಚ್ ಪುಕ್ಕ್ ಜಾಂವ್ಚೆಂ ಬರೆಂ ನ್ಹಯ್?
- ಲ್ಯಾನ್ಸಿ ಕಾರ್ಡೊಜಾ ತಾಕೊಡೆ, ಅಲಂಗಾರ್