Upcoming Events

ಧಾಕ್ಟುಲಿಂ, ನೆಣ್ತುಲಿಂ
ವಾ ಮಾಣ್ಕುಲಿಂ
ಆಮಿ ಹರೆಕ್ಲಿಂ
ಜೆಜುಚಿಂ ಭುರ್ಗಿಂ
ಆನಿ ವಿದ್ಯಾರ್ಥಿ

ತೊ ಶಿಕ್ಷಕ್ ಸೊಮಿ
ಆನಿ ಭಾಗಿ ಆಮಿ
ತಾಚ್ಯೆ ಲಾಗ್ಚೆಂ ಶಿಕ್ಚಿಂ
ಕಿತ್ಯಾಕ್, ಉತ್ರಾಂ ತಾಚಿಂ
ಮೊತಿಯಾಂ ಪ್ರಾಸ್ ವರ್ತಿಂ

ಯುವಕ್-ಯುವತಿ
ವಾ ತರ್ನಾಟಿಂ
ಆಮಿ ಭಾವ್ ಭಯ್ಣಿಂ
ಜೆಜುಚಿಂ ಭುರ್ಗಿಂ
ಆನಿ ವಿದ್ಯಾರ್ಥಿ

ತೊ ಶ್ರೇಷ್ಟ್ ಜ್ಞಾನಿ
ಆನಿ ಭಾಗಿ ಆಮಿ
ತಾಕಾ ಆಯ್ಕುಂಚಿಂ
ಕಿತ್ಯಾಕ್, ಉತ್ರಾಂ ತಾಚಿಂ
ಸರ್ಗಿಂಚಿ ಜಾಣ್ವಾಯ್ ದಿಂವ್ಚಿಂ

ಪ್ರಾಯೆಚಿಂ, ಮ್ಹಾತಾರಿಂ
ವಾ ಮ್ಹಾಲ್ಗಡಿಂ
ಆಮಿ ಸಕ್ಕಡಿ
ಜೆಜುಚಿಂ ಭುರ್ಗಿಂ
ಆನಿ ವಿದ್ಯಾರ್ಥಿ

ತೊ ಆಮ್ಚೊ ಮೆಸ್ತ್ರಿ
ಆನಿ ಭಾಗಿ ಆಮಿ
ತಾಚ್ಯೆ ಲಾಗ್ಚೆಂ ಶಿಕ್ಚಿಂ
ಕಿತ್ಯಾಕ್, ಉತ್ರಾಂ ತಾಚಿಂ
ಸುಶೆಗ್ ವಾ ವಿಶೆವ್ ದಿಂವ್ಚಿಂ

- ಲ್ಯಾನ್ಸಿ ಕಾರ್ಡೊಜಾ ತಾಕೊಡೆ