Main Promo Images
ನೆಕೆತ್ರ್ ಸಾಕ್ಸ್ ಜಾವ್ನಾಸಾ
ಜ್ಯೋತಿಷ್ಯಾಂನಿ ಪಾಟ್ಲಾವ್ ಕೆಲಾ
ವಾಟ್ ಖರಿಚ್ ಸ್ವಷ್ಟ್ ಆಸಾ
ಯೆಯಾ ನಮಸ್ಕಾರ್ ಕರ್ಯಾಂ
ಪ್ರವಾದ್ ಸಾಕ್ಸ್ ಜಾವ್ನಾಸಾ
ಪ್ರವಾಡ್ ಸಂಪೂರ್ಣ್ ಜಾಲಾ
ಸತ್ ಆಸಾ ತಶೆಂ ಆಸಾ
ಯೆಯಾ ನಮಸ್ಕಾರ್ ಕರ್ಯಾಂ
ಭಡ್ವೊ ಸಾಕ್ಸ್ ಜಾವ್ನಾಸಾ
ಮರಿಯೆನ್ ಜಲ್ಮ್ ದಿಲಾ
ಜಿವಿತ್ ಪ್ರತ್ಯಕ್ಷ್ ಜಾಲಾಂ
ಯೆಯಾ ನಮಸ್ಕಾರ್ ಕರ್ಯಾಂ
ಬಾಪ್ ಸಾಕ್ಸ್ ಜಾವ್ನಾಸಾ
ಪುತಾಕ್ ಒಪುನ್ ದಿಲಾ
ಸಬ್ದ್ ಮನಿಸ್ ಜಾಲಾ
ಯೆಯಾ ನಮಸ್ಕಾರ್ ಕರ್ಯಾಂ
ಪ್ರಕಾಸ್ ಸಾಕ್ಸ್ ಜಾವ್ನಾಸಾ
ಕಾಳಕ್ ನಪಂಯ್ಚ್ ಜಾಲಾ
ಖರೊ ಉಜ್ವಾಡ್ ಆಯ್ಲಾ
ಯೆಯಾ ನಮಸ್ಕಾರ್ ಕರ್ಯಾಂ
ಸುಟ್ಕಾ ಸಾಕ್ಸ್ ಜಾವ್ನಾಸಾ
ಆಪ್ಲ್ಯೆ ಪರ್ಜೆಕ್ ಸೊಡಯ್ಲಾಂ
ಸೊಡ್ವಣ್ದಾರ್ ಫಾವೊ ಜಾಲಾ
ಯೆಯಾ ನಮಸ್ಕಾರ್ ಕರ್ಯಾಂ
ಸಮಾಧಾನ್ ಸಾಕ್ಸ್ ಜಾವ್ನಾಸಾ
ಮನ್ಶಾಕುಳ್ ಸಾಲ್ವಾರ್ ಜಾಲಾಂ
ಶಾಂತಿಚೊ ಕುಂವರ್ ರಾಜ್ ಕರ್ತಾ
ಯೆಯಾ ನಮಸ್ಕಾರ್ ಕರ್ಯಾಂ
ಉತರ್ ಸಾಕ್ಸ್ ಜಾವ್ನಾಸಾ
ಕ್ರಿಸ್ತಾಚೆಂ ಜನನ್ ಜಾಲಾಂ
ಇಮ್ಮಾನುಯೆಲ್ ಸಾಂಗಾತಾ ಆಸಾ
ಯೆಯಾ ನಮಸ್ಕಾರ್ ಕರ್ಯಾಂ
- ಲ್ಯಾನ್ಸಿ ಕಾರ್ಡೊಜಾ, ತಾಕೊಡೆ
No events |
5 Days Residential Retreat Sun Jan 12 @ 5:30PM - Thu Jan 16 @ 2:00PM |
ಜಾಗ್ರುತ್ಕಾಯೆಕ್ ಆಮ್ಚ್ಯಾ
ರಜಾ ನಾಕಾ
ಜಾಗ್ರುತ್ ರಾವ್ಯಾಂ
ಕೆದ್ನಾಂಯ್ ರಾವ್ಯಾಂ
ಚತ್ರಾಯೆಕ್ ಆಮ್ಚ್ಯಾ
ರಜಾ ನಾಕಾ
ಚತ್ರಾಯ್ ಕರ್ಯಾಂ
ಸದಾಂಯ್ ಕರ್ಯಾಂ
ತಯಾರಾಯೆಕ್ ಆಮ್ಚ್ಯಾ
ರಜಾ ನಾಕಾ
ತಯಾರ್ ರಾವ್ಯಾಂ
ಜೀಣ್ಭರ್ ರಾವ್ಯಾಂ
ಹಿ ರಜಾ ಕರ್ತಾನಾ
ತೊ ದಿವೊ ಪಾಲ್ವಾತಾ
ತೆಣೆಂ ಫೆಸ್ತ್ ಯೆತಾ
ಹೆಣೆಂ ಅಮಾಲ್ ಚಡ್ತಾ!
ಹಿ ರಜಾ ಕರ್ತಾನಾ
ತೊ ದಿವೊ ಪಾಲ್ವತಾ
ತೆಣೆಂ ಫೆಸ್ತ್ ಯೆತಾ
ಹೆಣೆಂ ಅಮಾಲ್ ಚಡ್ತಾ!
ಆಸಲಿ ಹಿ ರಜಾ
ಮನ್ಶಾಕ್ ಮಜಾ ದಿತಾ
ಪೂಣ್ ರಜಾ ಆನಿ ಮಜಾ
ಅಂತಸ್ಕಾರ್ಣಾಂ ದಾಡ್ಡಿಂ ಕರ್ತಾ!
ಹಿ ರಜಾ ನಾಕಾ
ಎಕಾ ದಿಸಾಚಿಯ್ ನಾಕಾ
ಕಿತ್ಯಾಕ್ ತೊ ದೀಸ್ ಯೆತಾ
ಪಾಸ್ ಪಡ್ಲಲ್ಯೆ ಪರಿಂ ಯೆತಾ!!
- ಲ್ಯಾನ್ಸಿ ಕಾರ್ಡೊಜಾ, ತಾಕೊಡೆ
We have 648 guests and no members online