1) ಅಸಲೊ ಮೋಗ್
"ದೆವಾನ್ ಸಂಸಾರಾಚೊ ಅಸೊಯೀ ಮೋಗ್ ಕೆಲೊ ಕೀ, ತಾಣೆಂ ಆಪ್ಲ್ಯಾ ಎಕ್ಲ್ಯಾಚ್ ಪುತಾಕ್ ಒಪುನ್ ದಿಲೊ, ತಾಕಾ ಸತ್ಮಾನ್ತಲ್ಯಾ ಕೊಣಾಚೊಚ್ ನಾಸ್ ಜಾಯ್ನಾ ಜಾಂವ್ಚ್ಯಾಕ್; ಬಗರ್ ತಾಕಾ ಸಾಸ್ಣಿಕ್ ಜಿವಿತ್ ಮೆಳ್ಚ್ಯಾಕ್. ಕಿತ್ಯಾಕ್ ದೆವಾನ್ ಆಪ್ಲ್ಯಾ ಪುತಾಕ್ ಸಂಸಾರಾಕ್ ಧಾಡ್ಲೊ ಸಂಸಾರಾಚಿ ನೀತ್ ಕರ್‍ಚ್ಯಾಕ್ ನ್ಹಯ್, ಬಗರ್ ತಾಚೇ ಮಾರಿಫತ್ ಸಂಸಾರಾಚಿ ಸೊಡ್ವೊಣ್ ಜಾಂವ್ಚ್ಯಾಕ್" - (Jn 3:16-17)
2) ಮೊಗಾ ಮೊಗಾ ಮ್ಹಜಾ ಜೆಜು
"ಜೆಜು ಕ್ರಿಸ್ತಾಚ್ಯಾ ಮೊವಾಳ್ ಮೊಗಾನ್ ಹಾಂವ್ ತುಮ್ಕಾಂ ಕಿತ್ಲೊ ಲಾಲೆತಾಂ ಮ್ಹಳ್ಳೆಂ ದೇವ್‌ಚ್ ಜಾಣಾ. ತುಮ್ಚೊ ಮೋಗ್ ಚಡ್ ಆನಿ ಚಡ್ ವಾಡೊಂ! ಜಾಣ್ವಾಯೆನ್ ಆನಿ ಸಾರ್ಕೇ ಸಮ್ಜಣೆನ್ ತೊ ತುಮ್ಚೆಂ ಥಂಯ್ ಭರೊನ್ ವೊಮ್ತೊಂ! ಜೆಂ ಕಿತೆಂ ಉತ್ತಮ್ ತೆಂ ತುಮ್ಚೆಂ ಮನ್ ವೊಡುಂ-ಹೆಂಚ್ ಮ್ಹಜೆಂ ಪ್ರಾರ್ಥನ್. ಅಶೆಂ ಕ್ರೀಸ್ತ್ ಯೆತಾ ತೊ ದೀಸ್ ಪರ್ಯಾನ್ ತುಮಿ ನಿತಳ್ ಆನಿ ನಿರಪ್ರಾಧಿ ಜಾವ್ನ್ ಆಸಜಯ್; ಆನಿ ಜೆಜು ಕ್ರೀಸ್ತಾಚೆಚ್ ಕುಮ್ಕೆನ್ ದೆವಾಚಿ ಮಹಿಮಾ ಆನಿ ಸ್ತುತಿ ವಾಡೊಂವ್ಚ್ಯಾಕ್ ನಿತಿವಂತ್ಪಣಾಚ್ಯಾ ಫೊಳಾಂನಿ ತುಮಿ ಭರೊನ್ ಯೇಜಯ್-ಹಿಚ್ ಮ್ಹಜಿ ಆಶಾ." - (Phil 1:8-11)
3) ನದರ್ ತುಜಿ ಜೆಜುಚೆರ್
"ಸರ್ವೆಸ್ಪರಾಕ್ ಹಾಂವ್ ಸೊದ್ತಾಂ, ತೊ ಮ್ಹಾಕಾ ಜಾಪ್ ದಿತಾ, ಸಗ್ಳ್ಯಾ ಮ್ಹಜ್ಯಾ ಆಕಾಂತಾಂತ್ಲೊ ಮ್ಹಾಕಾ ನಿವಾರ್‍ತಾ. ತಾಚೆರ್ ನದರ್ ಲಾಯಾ ಆನಿ ತುಮ್ಚೆಂ ಮುಖಾಮಳ್ ಪರ್ಜಳ್ತಲೆಂ, ಲಜೆನ್ ತುಮ್ಚಿ ತಕ್ಲಿ ಪಂದಾಕ್ ತುಮಿ ಕೆದಿಂಚ್ ಘಾಲ್ಚಿಂ ನಾಂತ್." - (Psalm 34:4-5)
4) ಬಾಪಾ ಪುತಾ ಸವೆಂ
"ಸಗ್ಳೆಂ ಮ್ಹಜ್ಯಾ ಬಾಪಾನ್ ಮ್ಹಜೇ ಅಧೀನ್ ಕೆಲಾಂ; ಪೂತ್ ಕೊಣ್ ಮ್ಹಣ್ ಬಾಪಾ ಶಿವಾಯ್ ಹೆರ್ ಕೊಣ್‌ಚ್ ನೆಣಾ; ಬಾಪ್ ಕೊಣ್ ಮ್ಹಣ್ ಪುತಾ ಶಿವಾಯ್ ಆನಿ ಕೊಣಾಕ್ ಪೂತ್ ಬಾಪಾ ವಿಶ್ಯಾಂತ್ ಕಳಿತ್ ಕರುಂಕ್ ಖುಶಿ ವ್ಹರ್‍ತಾ, ತಾಚೇ ಶಿವಾಯ್, ಹೆರ್ ಕೊಣ್‌ಚ್ ನೆಣಾ." - (Lk 10:22)
5) ಮೆಳ್ಚೊನಾಂ ಮೆಳ್ಚೊನಾಂ
ಜೆಜುನ್ ತಿಕಾ ಜಾಪ್ ದೀವ್ನ್ ಮ್ಹಳೆಂ: "ದೆವಾಚೆಂ ದೆಣೆಂ ಮ್ಹಳ್ಯಾರ್ ಕಿತೆಂ, ಆನಿ ತುಜೇಲಾಗಿಂ ಪಿಯೆಂವ್ಕ್ ವಿಚಾರ್‍ತಾ ತೊ ಕೋಣ್-ಇತ್ಲೆಂ ತುಂ ಸಮ್ಜಲ್ಲಿಯ್ ಜಾಲ್ಯಾರ್, ತುಂಚ್ ತಾಚೇಲಾಗಿಂ ಮಾಗ್ತಿ ಆಸ್ಲಿಯ್; ಆನಿ ತೊ ತುಕಾ ಝರಿಚೆಂ ಉದಕ್ ದಿತೊ ಆಸ್ಲೊ." - (Jn 4:10)
6) ತುಂ ಮ್ಹಜಾ ಕಾಳ್ಜಾಚೊ
ಸೊಮಿಯಾ ಥಂಯ್ ಸದಾಂಚ್ ತುಮಿ ಸಂತೊಸ್ ಪಾವಾ; ಪರ್ತ್ಯಾನ್ ಹಾಂವ್ ಸಾಂಗ್ತಾ: ಸಂತೊಸ್ ಪಾವಾ! ತುಮ್ಚೆಂ ಭೊಳೆಪಣ್ ಸಮೆಸ್ತ್ ಮನ್ಶಾಂಕ್ ಕಳಿತ್ ಜಾಂವ್. ಸೊಮಿಯಾಚ್ಯಾ ಯೆಣ್ಯಾಚೊ ಕಾಳ್ ಲಾಗಿಂಚ್ ಆಸಾ. ಕಸಲೊಚ್ ಖಂತ್‌ಹುಸ್ಕೊ ಧರಿನಾಕಾತ್; ಹರ್‍ಯೇಕ್ ತುಮ್ಚಿ ಗರ್ಜ್ ಮಾಗ್ಣ್ಯಾನ್ ಆನಿ ಉಪ್ಕಾರಿ ಮನಾನ್ ದೆವಾಕ್ ಕಳಿತ್ ಕರಾ. - (Phil 4:4-6)
7) ಸೊಮಿ ಜೆಜು ತೊಚ್ಚ್
"ಪಳೆ, ಹಾಂವ್ ವೆಗಿಂಚ್ ಯೆತಲೊಂ ಆನಿ ಯೆತಾನಾ ಹರ್‍ಯೆಕ್ಲ್ಯಾಕ್ ತಾಚ್ಯಾ ತಾಚ್ಯಾ ಕರ್ನ್ಯಾಂ ಪರ್ಮಾಣೆಂ ಫಾವೊ ಆಸ್ಲಲೆಂ ಇನಾಮ್ ಹಾಡ್ತಲೊಂ. ಹಾಂವ್ ಆಲ್ಫಾ ಆನಿ ಓಮೆಗಾ, ಪಯ್ಲೊ ಆನಿ ನಿಮಾಣೊ, ಆರಂಭ್ ಆನಿ ಅಂತ್." - (Rev 22:12-13)
8) ಚುಕ್ಲಾಂ ಜೆಜು ಚುಕ್ಲಾಂ
"ಮ್ಹಜೆ ಗುನ್ಯಾಂವ್ ಹಾಂವ್ ಒಳ್ಕುನ್ ಘೆತಾಂ, ಮ್ಹಜೆಂ ಪಾತಕ್ ಆಸಾ ಸದಾಂಚ್ ಮ್ಹಜೆ ಮುಖಾರ್. ತುಜೆ ವಿರೋಧ್, ತುಜೆ ಎಕ್ಲ್ಯಾಚೆಚ್ ವಿರೋಧ್ ಹಾಂವೆಂ ಪಾತಕ್ ಕೆಲೆಂ, ಜೆಂ ತುಜೆ ದಿಷ್ಟಿನ್ ವಾಯ್ಟ್, ತೆಂ ಹಾಂವೆಂ ಕೆಲೆಂ. ದೆಕುನ್ ತುಂ ನ್ಯಾಯ್‌ನಿರ್ಣಯ್ ಕರ್‍ತಾಯ್ ತೆದ್ನಾ ನಿತಿವಂತ್, ಫರ್ಮಾಣ್ ದಿತಾಯ್ ತೆದ್ನಾಂ ಚುಕಿವೀಣ್." - (Psalm 51:3-4)
9) ಆತ್ಮೀಕ್ ಝುಜ್
"ಆಮ್ಚೆಂ ಝುಜ್ ಫಕತ್ ಮನ್ಶಾಂ ವಿರೋಧ್ ನ್ಹಯ್. ಅಂತ್ರಳಾರ್ ಆಸ್ಲಲ್ಯಾ ಅಧಿಕಾರ್‍ಯಾಂ ಆನಿ ಅಧಿಪತಿಂ ವಿರೋಧ್; ಅಂಧ್ಕಾರಿ ಸಂಸಾರಾಚ್ಯಾ ರಾಜತ್ವಾಂ ಆನಿ ಪ್ರಭುತ್ವಾಂ ವಿರೋಧ್. ದೆಕುನ್ ತುಮಿ ದೆವಾಚೆಂ ಕವಚ್ ನ್ಹೆಸಜಯ್. ತವಳ್ ವಾಯ್ಟಾಚೊ ತೊ ದೀಸ್ ಉದೆಲ್ಲ್ಯಾ ವೆಳಾರ್ ದುಸ್ಮಾನಾಂಕ್ ಮುಖಾರ್ ರಾವುಂಕ್ ತುಮಿ ಸಕ್ತೆಲ್ಯಾತ್; ತಿತ್ಲೆಂಚ್ ನ್ಹಯ್, ಅಖೇರ್ ಪರ್ಯಾನ್ ಪಾಟಿಂ ಪರ್ತನಾಶೆಂ ಝುಜುಂಕ್ ತುಮ್ಕಾಂ ದೈರ್‌ಯೀ ಮೆಳ್ತಲೆಂ." - (Eph 6:2-13)
10) ಕಿತೆಂಚ್ ನಾಂ
"ಹ್ಯಾ ಸಂಸಾರಾಕ್ ಆನಿ ತಾಂತುಂ ಆಸ್ಲಲ್ಯಾ ವಸ್ತುಂಕ್ ತುಮಿ ಭುಲನಾಕಾತ್. ಜೊ ಕೊಣ್ ಸಂಸಾರಾಚೊ ಮೋಗ್ ಕರ್‍ತಾ, ತಾಚೇ ಥಂಯ್ ಬಾಪಾಚೊ ಮೋಗ್ ನಾ. ಸಂಸಾರಾಂತ್ ಆಸ್ಲಲೆಂ ಸಗ್ಳೆಂ ಮ್ಹಣ್ಜೆ ರಗ್ತಾಮಾಸಾಚ್ಯೊ ವೊಂದವ್ಣ್ಯೊ, ದೊಳ್ಯಾಂಚಿ ಫುಸ್ಲಾವ್ಣಿ, ತಶೆಂಚ್ ಜೀವನಾಚಿ ಪೊಕಳ್ ದವ್ಲತ್, ಹೆಂ ಸಗ್ಳೆಂ ಬಾಪಾ ಥಾವ್ನ್ ನ್ಹಯ್, ಬಗರ್ ಸಂಸಾರಾ ಥಾವ್ನ್ ಆಯ್‌ಲ್ಲೆಂ. ಸಂಸಾರ್ ಆನಿ ತಾಚ್ಯೊ ವೊಂದವ್ಣ್ಯೊ ಅಂತರ್‍ತಾತ್, ಪುಣ್ ದೆವಾಚಿ ಖುಶಿ ಕರ್‍ತಾ ತೊ ಸದಾಂಕಾಳ್ ಬಾಳ್ತಾ." - (1 Jn 2:15-17)
