ಹಿಂ ಭುರ್ಗಿಂ
ಆವಯ್ ಬಾಪಾಯ್ಚಿಂ
ಆನಿ ಹಾಂಚಿಂ ಮಾಗ್ಣಿಂ
ಫಕತ್ ಅಶಿಂ
ಕೊಕೊ ದಿ
ಮೆಮೆ ದಿ ಮ್ಹಣ್ಚಿಂ!

ತಿಂಯ್ ಭುರ್ಗಿಂ
ಆವಯ್ ಬಾಪಾಯ್ಚಿಂ
ಆನಿ ತಾಂಚಿಂಯ್ ಮಾಗ್ಣಿಂ
ಫಕತ್ ಅಶಿಂ
ಪುತಾಕ್ ವೀಸಾ ದಿ
ಧುವೆಕ್ ಸಯ್ರಿಕ್ ದಿ ಮ್ಹಣ್ಚಿಂ!

ಹಾಂಗಾ ಸಕ್ಕಡಿ
ಸಂಸಾರಿ ಮಾಯ್ ಪಾಯ್ಚಿಂ
ಆನಿ ಸಕ್ಡಾಂಚಿ ಮಾಗ್ಣಿಂ
ಫಕತ್ ಅಶಿಂ
ಮ್ಹಾಕಾ ಹೆಂ ದಿ
ಮ್ಹಾಕಾ ತೆಂ ದಿ ಮ್ಹಣ್ಚಿಂ!

ಹ್ಯಾ ಭುರ್ಗ್ಯಾಂಚಿಂ
ತ್ಯಾ ವ್ಹಡಿಲಾಂಚಿಂ
ಆನಿ ಸರ್ವಾಂಚಿಂ ಮಾಗ್ಣಿಂ
ಕಿತ್ಯಾಕ್ ಫಕತ್ ಆಶಿಂ?
ಲೌಕಿಕ್ ಸಂಗ್ತಿಂಚಿಂ
ಅನ್ಭಾರ್ಥ್ಯಾಂ ಸಾರ್ಕಿಂ!

ಜಾಂವ್ ತಿಂ ಮಾಗ್ಣಿಂ
ಪವಿತ್ರ್ ಅತ್ಮೊ ಮಾಗ್ಚಿಂ
ಕಿತ್ಯಾಕ್, ಪವಿತ್ರ್ ಅತ್ಮೊ
ಕರ್‍ತಾ ಸರ್ವಾಂಕ್‌ಯಿ
ಭುರ್ಗಿಂ ದೆವಾಚಿಂ
ಅಬ್ಬಾ ಬಾಪಾಚಿಂ
(ರೊಮಾಗಾರಾಂಕ್ ಪತ್ರ್ 8:15)

 - ಲ್ಯಾನ್ಸಿ ಕಾರ್ಡೊಜಾ ತಾಕೊಡೆ