Main Promo Images
In the life of every person, there will be a time where he or she has experienced a new life. For many it would be a physical healing, where the person has been healed from a deadly disease and got his life back. This relates to the body. But what is important is being healed spiritually. As the word of God says “Clothe yourselves with the new self, created according to the likeness of God in true righteousness and holiness.” – Ephesians 4:24. Gaining a new life means putting away your sinful life and accepting the word of Jesus Christ which has the power to cleanse and to make one new. “Put away anger and wrangling and slander, together with all malice, and be kind to one another, as God in Christ has forgiven you” – Ephesians 4:31.
"ಜಾಣ್ವಾಯೆ೦ತ್ ಏಕ್ ಅತ್ಮೊ ಆಸಾ, ಹೊ ಆತ್ಮೊ ಬುಧ್ವ೦ತ್, ಪವಿತ್ರ್, ಅಪ್ರತಿಮ್, ಜಿನಸೆವಾಕ್, ಸೂಕ್ಷ್ಮ್, ಸುಡ್ಸುಡಿತ್, ತೀಕ್ಷ್ಣ್, ನಿರ್ಮಳ್, ನಿತಳ್, ಅಖ೦ಡ್, ದಯಾಳ್, ಚತುರ್ ಆಡಾ೦ವ್ಕ್ ನಜೊ ಆಸ್ಲಲೊ, ಉಪ್ಕಾರಿ ಮನ್ಶಾ೦ಕ್ ಮೊಗಾಳ್, ಥಿರ್, ಸುರಕ್ಷಿತ್, ಪ್ರಶಾ೦ತ್, ಸರ್ವ್ ಪದ್ವೆದಾರ್, ಸರ್ವೇಕ್ಷಕ್, ಆನಿ ತೊ ಸರ್ವ್ ಬುಧ್ವ೦ತ್, ನಿರ್ಮಳ್ ಆನಿ ಸೂಖ್ಷ್ಮ್ ಅತ್ಮ್ಯಾ೦ನಿ ವ್ಯಾಪಕ್ ಜಾವ್ನಾಸಾ." (ಜಾಣ್ವಾಯ್ 7:22-23)
ಸ೦ಸಾರಾಕ್ ಲಬ್ದಲ್ಲೊ ಮನಿಸ್ ಹ್ಯಾ ಸ೦ಸಾರಾಚ್ಯಾ ಜಾಣ್ವಾಯೆಕ್ ಚಡ್ ಆನಿ ಚಡ್ ಆಶೆತಾ. ಚಡ್ ಶಿಕಾಪ್, ಚಡ್ ಗ್ರೇಸ್ತ್ಕಾಯ್, ವಡ್ವಿಕ್, ಪದ್ವಿ, ನಾ೦ವ್ ಆನಿ ಹೊ ಸ೦ಸಾರ್ ಕಿತೆ೦ ದಿತಾ ತೆ೦ ಸಗ್ಳೆ೦ ತೊ ಆಶೆತಾ. ಪೂಣ್ ದೈವಿಕ್ ಜಾಣ್ವಾಯ್ ಸ೦ಸಾರಾಚಾ ಖ೦ಚಾಯ್ ಪುಸ್ತ೦ಕಾ ಥಾವ್ನ್ ಯೇನಾ, ಬಗಾರ್ ದೆವಾಚೆ೦ ಧರ್ಮ್ಶಾಸ್ತ್ರ್ ಆಟಾಪುನ್ ಆಸ್ಚಾ 'ಪವಿತ್ರ್ ಪುಸ್ತಕಾ' ಥಾವ್ನ್ ಯೆತಾ. "ಉಗಡ್ ಮ್ಹಜೆ ದೊಳೆ ಆನಿ ತುಜ್ಯಾ ಧರ್ಮ್ಶಾಸ್ತ್ರಾಚಿ೦ ವಿಸ್ಮಿತಾ೦ ಹಾ೦ವ್ ದೆಕ್ತಲೊ೦" (ಕೀರ್ತನಾ೦ 119:18). ದೆವಾಚಾ ತೊ೦ಡಾ ಥಾವ್ನ್ ಭಾಯ್ರ್ ಸರ್ಲ್ಲೆ೦ ಹರ್ಯೇಕ್ ಉತರ್ ಹ್ಯಾ ಪುಸ್ತಕಾ೦ತ್ ಬರೊವ್ನ್ ಆಸಾ. "ಕಿತ್ಯಾಕ್ ಸರ್ವೆಸ್ಪರ್ ಜಾಣ್ವಾಯ್ ದಿತಾ. ತಾಚ್ಯಾ ತೊ೦ಡಾ೦ತ್ಲಿ೦ ಯೆತಾತ್ ಗಿನ್ಯಾನ್ ಆನಿ ಸಮ್ಜೊಣಿ (ಮ್ಹಣ್ಣ್ಯೊ 2:6). ಸಗ್ಳಿ ಜಾಣ್ವಾಯ್ ದೆವಾ ಥಾವ್ನ್ ಯೆತಾ, ತಿ ಸಾಸ್ಣಾಕ್ ತಾಚೆ ಸವೆ೦ ಆಸಾ" (ಸಿರಾಖ್ 1:1)
ಪರ್ನ್ಯಾ ಸೊಲ್ಲ್ಯಾ೦ತ್ ಜೆಜು ಆಬ್ರಾಹಾಮಾಕಡೆ, ಮೊಯ್ಜೆಕಡೆ ಆನಿ ಸಬಾರ್ ಪ್ರವಾದಿ೦ಕಡೆ ಉಲೊವ್ನ್ ಅಶೆ೦ ಮ್ಹಣ್ತಾ - "ಕಿತ್ಯಾಕ್ ಸರ್ವೆಸ್ಪರ್ ತುಮ್ಚೊ ದೇವ್ ಕಾಕುಳ್ತಿಚೊ ದೇವ್, ತೊ ತುಮ್ಕಾ೦ ಸಾ೦ಡ್ಚೊ ನಾ ವಾ ತುಮ್ಚೊ ನಾಸ್ ಕರ್ಚೊ ನಾ ವಾ ತಾಣೆ೦ ತುಮ್ಚ್ಯಾ ಪೂರ್ವಜಾ೦ ಕಡೆ ಸಪುತ್ ಘೆವ್ನ್ ಕೆಲ್ಲೊ ಸೊಲ್ಲೊ ವಿಸರ್ಚೊ ನಾ" (ದ್ವಿತಿನಿಯಮ್ 4:31). ಹ್ಯಾ ಅ೦ತಿಮ್ ಕಾಳಾರ್ ದೇವ್ ಆಪ್ಲ್ಯಾ ಕಾಕುಳ್ತಿ ವಿಶ್ಯಾ೦ತ್ ಆಪ್ಲ್ಯಾ ಪುತಾ ಜೆಜು ಮಾರಿಫತ್ ಉಲಯ್ತಾ. ಜೆಜು ಕಾಕುಳ್ದಾರ್ ದೇವ್ ಜಾವ್ನಾಸಾ. ಜೆಜು ಮನ್ಶಾಕುಳಾಚೊ ಇತ್ಲೊಯೀ ಮೋಗ್ ಕರ್ತಾ ಕೀ ತೊ ಆಶೆತಾ ಖ೦ಚಾಯೀ ಮನ್ಶಾನ್ ಆಪ್ಲ್ಯಾ ಕಾಕುಳ್ತಿನ್ ಬರಲ್ಲ್ಯಾ ಮೊಗಾ ಥಾವ್ನ್ ಚುಕೊವ್ನ್ ವಚನಾಯೆ ಬಗಾರ್ ತಾಚಾ ಕಾಕುಳ್ತಿನ್ ತೊ ತಾ೦ಕಾ ಗೂಣ್ ಕರು೦ಕ್ ಆಶೆತಾ. ಜೆಜು ಖ೦ಚಾಯೀ ಪಾತ್ಕ್ಯಾ೦ಕ್ ಶಿಕ್ಷಾ ದೀ೦ವ್ನ್ ಆಪೇಕ್ಷಿನಾ. "ಆಪ್ಲೆ೦ ಉತರ್ ಧಾಡುನ್ ತಾಣೆ೦ ತಾ೦ಕಾ ಬರಿ೦ ಕೆಲಿ೦, ತಾ೦ಚೊ ಜೀವ್ ನಾಸಾ೦ತ್ಲೊ ತಾಣೆ೦ ನಿವಾರ್ಲೊ" (ಕೀರ್ತನ್ 107:20).
"ಸಗ್ಳ್ಯಾ ತುಜಾ ಕಾಳ್ಜಾನ್, ಸಗ್ಳ್ಯಾ ತುಜಾ ಅತ್ಮ್ಯಾನ್, ಆನಿ ಸಗ್ಳ್ಯಾ ತುಜಾ ಮನಾನ್ ಸರ್ವೆಸ್ಪರಾಚೊ ತುಜಾ ದೆವಾಚೊ ಮೋಗ್ ಕರ್. ಹೊಚ್ ಅತೀ ಆನಿ ಪ್ರಥಮ್ ಉಪದೆಸ್. ಆನಿ ದುಸ್ರೊಯೀ ತಾಚೆ ಸಾರ್ಕೊ ತುಜೊ ಕರ್ತಾಯ್ ತಸೊ ತುಜ್ಯಾ ಪೆಲ್ಯಾಚೊ ಮೋಗ್ ಕರ್" (ಮಾತೆವ್ 22:37-39)
ಪವಿತ್ರ್ ಪುಸ್ತಕಾ೦ತ್ ದೆವಾನ್ ಆಮ್ಕ೦ ಫರ್ಮಾಯ್ಲ್ಯೊ ಹರ್ಯೇಕ್ ಆಜ್ನ್ಯಾ ಆಮಿ ಪಾಳು೦ಕ್ ಆಮ್ಕಾ೦ ಕಾಯ್ದೊ ಆಸಾ, ಶಿವಾಯ್ ದುಸ್ರಿ ವಾಟ್ ನಾ!! ಹೆ ದೋನ್ ವರ್ತೆ ದೆವಾಚೆ ಉಪದೆಸ್ ವಿಶ್ವಾಸ್ಪಣಿ ಆಮಿ ಪಾಳ್ತಾ೦ವ್ ಜಾಲ್ಯಾರ್, ದೆವಾಚಾ ಧಾ ಉಪದೆಸಾ ಪರ್ಮಾಣೆ ಆಮಿ ಚಲ್ತಾ೦ವ್ ಮ್ಹಣ್ ಆಮಿ ಸಾ೦ಗ್ಯೆತ್. "ಪೂಣ್ ದೆವಾಚೊ ಮೋಗ್ ಕರ್ತಾ ತಾಕಾ ದೇವ್ ವಳ್ಕಾತಾ" (1 ಕೊರಿ೦ಥ್ 8:3). "ಮೊಗಾಚ್ಯಾ೦ನೋ, ಆಮಿ ಎಕಾಮೆಕಾಚೊ ಮೋಗ್ ಕರುಯಾ೦, ಕಿತ್ಯಾಕ್ ಮೋಗ್ ದೆವಾ ಥಾವ್ನ್ ಯೆತಾ. ಜೊ ಕೋಣ್ ಮೋಗ್ ಕರ್ತಾ ತೊ ದೆವಾಚೊ ಭುರ್ಗೊ, ದೆವಾಕ್ ತೊ ಒಳ್ಕತಾ. ಪೂಣ್ ಮೋಗ್ ಕರಿನಾತ್ಲೆಲ್ಯಾಕ್ ದೆವಾಚಿ ಒಳಕ್ಚ್ಚ್ ನಾ, ಕಿತ್ಯಾಕ್ ದೇವ್ ಮ್ಹಳ್ಯಾರ್ ಮೋಗ್" (ಜುವಾ೦ವ್ಚೆ ಪಯ್ಲೆ೦ ಪತ್ರ್ 4:7-8)
(ಮಾತೆವ್ 23:8)
ಆಮ್ಚ್ಯೆ ಮಧೆಂ ಆಸುಂಕ್ ನಜೊ
ಎಕ್ಲೊ ವ್ಹಡ್ ಆನ್ಯೆಕ್ಲೊ ಧಾಕ್ಟೊ
ಆಮಿ ಸಮೆಸ್ತ್ ಭಾಭಾವ್
ಕ್ರಿಸ್ತಾ ಥಂಯ್ ಎಕಾಮೆಕಾ ಭಾಭಾವ್
ಆಪ್ಣಾಕ್ಚ್ ವ್ಹಡ್ ಮ್ಹಣ್ ಚಿಂತ್ಚೊ
ಲ್ಹಾನಾಂ ಮಧೆಂ ಲ್ಹಾನ್ ಜಾಂವ್
ತೆದ್ನಾಂ ಮಾತ್ರ್ ತೊ ಕ್ರಿಸ್ತಾಂವ್
ನಿಜಾಕ್ಯಿ ಬರೊ ಕ್ರಿಸ್ತಾಂವ್
ಆಮ್ಚ್ಯೆ ಮಧೆಂ ಆಸುಂಕ್ ನಜೊ
ಎಕ್ಲೊ ಗ್ತೆಸ್ತ್ ಆನ್ಯೆಕ್ಲೊ ದುಬ್ಳೊ
ಆಮಿ ಸಮೆಸ್ತ್ ಭಾಭಾವ್
ಕ್ರಿಸ್ತಾ ಥಂಯ್ ಎಕಾಮೆಕಾ ಭಾಭಾವ್
ಆಪ್ಣಾಕ್ಚ್ ಗ್ತೆಸ್ತ್ ಕರ್ನ್ ಭೊಂವ್ಚೊ
ದುಬ್ಳ್ಯಾಂ ಮಧೆಂ ದುಬ್ಳೊ ಜಾಂವ್
ತೆದ್ನಾಂ ಮಾತ್ರ್ ತೊ ಭಾವ್
ನಿಜಾಕ್ಯಿ ಆನ್ಯೆಕ್ಲ್ಯಾಚೊ ಭಾವ್
ಆಮ್ಚ್ಯೆ ಮಧೆಂ ಆಸುಂಕ್ ನಜೊ
ಎಕ್ಲೊ ಖಾಲ್ತೊ ಆನ್ಯೆಕ್ಲೊ ವರ್ತೊ
ಆಮಿ ಸಮೆಸ್ತ್ ಭಾಭಾವ್
ಕ್ರಿಸ್ತಾ ಥಂಯ್ ಎಕಾಮೆಕಾ ಭಾಭಾವ್
ಆಪ್ಣಾಕ್ಚ್ ವರ್ತೊ ಮ್ಹಣ್ ಲೆಕ್ಚೊ
ಖಾಲ್ತ್ಯಾಂ ಮಧೆಂ ಖಾಲ್ತೊ ಜಾಂವ್
ತೆದ್ನಾಂ ಮಾತ್ರ್ ತೊ ಕ್ರಿಸ್ತ್+ಹಾಂವ್
ನಿಜಾಕ್ಯಿ ಖರೊ ಕ್ರಿಸ್ತಾಂವ್
- ಲ್ಯಾನ್ಸಿ ಕಾರ್ಡೊಜಾ ತಾಕೊಡೆ, ಅಲಂಗಾರ್
We have 78 guests and no members online
Friday One Day Retreat Fri Mar 22 @ 8:00AM - 04:00PM |
Saturday One Day Retreat Sat Mar 23 @ 8:00AM - 04:00PM |
Thursday One Day Retreat Thu Mar 28 @ 8:00AM - 04:00PM |
5 Days Residential Retreat Sun Apr 14 @ 5:30PM - Thu Apr 18 @ 2:00PM |
ಸಕಾಳಿಂ ಮ್ಹಣ್ಯಾಂ
ಸಾಂಜೆರ್ ಮ್ಹಣ್ಯಾಂ
ವಾ ರಾತಿಂ ಮ್ಹಣ್ಯಾಂ
ಪೂಣ್ ಮಾಗ್ಣೆಂ ಮ್ಹಣ್ತಾನಾ
ಭಕ್ತಿನ್ ಸಾರ್ಕೆಂ ಮ್ಹಣ್ಯಾಂ
ಸೊಮ್ಯಾಚೆಂ ಆಮ್ಚ್ಯಾ ಬಾಪಾ
ಮಾಗ್ಣೆಂ ಮ್ಹಣ್ತಾನಾ
ಆಮಿ ದರ್ವಡ್ಚೆಂ ನಾಕಾ
ಆಮ್ಚ್ಯಾ ಬಾಪಾ
ಎಕ್ಸ್ಪ್ರೆಸ್ ಕರ್ಚೆಂ ನಾಕಾ!
ಘರಾ ಮ್ಹಣ್ಯಾಂ
ಹೊಲಾಂತ್ ಮ್ಹಣ್ಯಾಂ
ವಾ ಇಗರ್ಜೆಂತ್ ಮ್ಹಣ್ಯಾಂ
ಪೂಣ್ ಮಾಗ್ಣೆಂ ಮ್ಹಣ್ತಾನಾ
ಸುಡಾಳ್ ಸ್ಪಷ್ಟ್ ಮ್ಹಣ್ಯಾಂ
ಸೊಮ್ಯಾಚೆಂ ಆಮ್ಚ್ಯಾ ಬಾಪಾ
ಮಾಗ್ಣೆಂ ಮ್ಹಣ್ತಾನಾ
ಆಮಿ ಧಾಂವ್ಚೆಂ ನಾಕಾ
ಆಮ್ಚ್ಯಾ ಬಾಪಾ
ಸುಪರ್ ಫಾಸ್ಟ್ ಕರ್ಚೆಂ ನಾಕಾ!
ಎಕೆಕ್ಲಿಂ ಮ್ಹಣ್ಯಾಂ
ದೊಗಾಂ ತೆಗಾಂ ಮ್ಹಣ್ಯಾಂ
ವಾ ಸಕ್ಡಾಂ ಸಾಂಗಾತಾ ಮ್ಹಣ್ಯಾಂ
ಪೂಣ್ ಮಾಗ್ಣೆಂ ಮ್ಹಣ್ತಾನಾ
ಚಿಂತುನ್ ಸವ್ಕಾಸ್ ಮ್ಹಣ್ಯಾಂ
ಸೊಮ್ಯಾಚೆಂ ಆಮ್ಚ್ಯಾ ಬಾಪಾ
ಮಾಗ್ಣೆಂ ಮ್ಹಣ್ತಾನಾ
ಆಮಿ ಆಮ್ಸೊರ್ಚೆಂ ನಾಕಾ
ಆಮ್ಚ್ಯಾ ಬಾಪಾ
ಆಮ್ಚಾಪಾ ಕರ್ಚೆಂ ನಾಕಾ!!
- ಲ್ಯಾನ್ಸಿ ಕಾರ್ಡೊಜಾ ತಾಕೊಡೆ, ಅಲಂಗಾರ್