Main Promo Images
Sun | Mon | Tue | Wed | Thu | Fri | Sat |
ತ್ಯೆ ಸೊಮ್ಯಾ ಮುಕಾರ್ ದಿಂಬಿ ಘಾಲ್ನ್
ಭಾವಾ ತುಂ ಕಾಕುಳ್ತ್ ಮಾಗ್
ಆನಿ ಉಪ್ರಾಂತ್ ತುಂ ಸಾಂಗ್
ತುಜ್ಯಾ ಪುತಾಚಿ ಗರ್ಜ್
ತ್ಯೆ ಧನಿಯಾ ಮುಕಾರ್ ಖಾಲ್ತೆಂ ಜಾವ್ನ್
ಭಯ್ಣಿ ತುಂ ಕಾಕುಳ್ತ್ ಮಾಗ್
ಆನಿ ಉಪ್ರಾಂತ್ ತುಂ ಸಾಂಗ್
ತುಜ್ಯಾ ಧುವೆಚಿ ಗರ್ಜ್
ತ್ಯಾ ಖಾಲ್ತಾ ಖಾನಾನ್ಗಾರ್ನ್
ಸ್ತ್ರಿಯೆಚ್ಯಾ ಖಾಲ್ತ್ಯಾಪಣಾ ಥಾವ್ನ್
ತಶೆಂಚ್ ಭಾವಾಡ್ತಾ ಥಾವ್ನ್
ಆಸಾ ಲಿಸಾಂವ್, ಆಸಾ ಶಿಕುಂಕ್
ಸಾಂಗ್ಲೆಂ ನಾ ತಿಣೆ ಶೀದಾ ವಚುನ್
ಧುವೆಕ್ ಬರೆಂ ಕರ್ ಮ್ಹಣುನ್
ಬದ್ಲಾಕ್ ಮ್ಹಣಾಲಿ ಬೊಬ್ ಮಾರ್ನ್
ಧನಿಯಾ ಮ್ಹಜಿ ಕಾಕುಳ್ತ್ ಕರ್ ಮ್ಹಣುನ್
ಸಾಂಗ್ಚ್ಯೆ ಪಯ್ಲೆಂ ಹೆರಾಂಚಿ ಗರ್ಜ್
ತುಜಿಚ್ ಪಯ್ಲೆಂ ಕಾಕುಳ್ತ್ ಕರುಂಕ್
ತುಂ ಸರ್ಪಡುನ್ ಭಾವಾಡ್ತಾನ್ ಮಾಗ್
ದಾವಿದಾಚೊ ಪೂತ್ ಪಾವ್ತಲೊ ಬಿರ್ಮತ್
- ಲ್ಯಾನ್ಸಿ ಕಾರ್ಡೊಜಾ, ತಾಕೊಡೆ
ಮಾತೆವ್ 15: 21-28
No events |
5 Days Residential Retreat Sun Sep 08 @ 5:30PM - Thu Sep 12 @ 2:00PM |
ಸಾಂಗ್ಲಾಂ ಆಮ್ಕಾಂ ಸೊಮ್ಯಾನ್
ಚೂಕ್ ಕರ್ತಾನಾ ಆಮ್ಚೊ ಭಾವ್
ಪಯ್ಲೆಂ ಭಾವಾಕ್ ಸಾಂಗುಂಕ್
ಆನಿ ನಿಮಾಣೆಂ ಸಭೆಕ್
ಆಮಿ ಕ್ರಿಸ್ತಾಚಿಂ ವಾ ಕ್ರಿಸ್ತಾಂವ್
ಉಲ್ಟಾಚ್ ಕರ್ತಾಂವ್
ಭಾವಾಕ್ ಸಾಂಗ್ಚ್ಯೆ ಪಯ್ಲೆಂಚ್
ವಚುನ್ ಸಭೆಕ್ ಸಾಂಗ್ತಾಂವ್!
ಬಿರ್ಮತ್ ತ್ಯಾ ಭಾವಾಕ್ ಸಯ್ತ್
ಸಾರ್ಕಿ ಕಳಿತ್ ಆಸನಾ ಆಪ್ಲಿ ಚೂಕ್
ಪೂಣ್ ಆಮ್ಚ್ಯಾ ಲಾಂಬ್ ಜಿಬೆನ್ಚ್
ತಾಕಾ ಸಭೆ ಭಾಯ್ರ್ ಘಾಲ್ತಾಂವ್!
ಗುಟಾನ್ ಚೂಕ್ ದಾಕೊವ್ನ್
ಜಾಯ್ ತರ್ ದೊಗಾಂಕ್ ಘೆವ್ನ್
ಭಾವಾಕ್ ಪಾಟಿಂ ಹಾಡ್ಚ್ಯೆ ಬದ್ಲಾಕ್
ಪಯ್ಲೆಂಚ್ ಸೊಡ್ನ್ ಸೊಡ್ತಾಂವ್!
ಆಯ್ಕಾನಾ ತರ್ ಮಾತ್ರ್ ಸಭೆಕ್
ಪೂಣ್ ಪಯ್ಲೆಂ ವಚುನ್ ಭಾವಾಕ್
ಸಾಂಗ್ತಾಂವ್ ತರ್ ಆಮಿ ಜಾತಾಂವ್
ಖರಿಚ್ ಕ್ರಿಸ್ತಾಚಿಂ ವಾ ಕ್ರಿಸ್ತಾಂವ್
- ಲ್ಯಾನ್ಸಿ ಕಾರ್ಡೊಜಾ, ತಾಕೊಡೆ
(ಮಾತೆವ್ 18: 15-17)
We have 475 guests and no members online