Upcoming Events

ಪ್ರವಾದ್ಯಾಂ ಲಾಗಿಂ
ಹಾತ್ ಜೊಡುನ್ ಮಾಗ್ಚಿಂ
ದಿಸನಾಂತ್ ಕೊಣಿ
ಆಮ್ಚ್ಯೆ ಭೊಂವ್ತಣಿಂ

ಪ್ರವಾದ್ಯಾಂಚ್ಯೆ ನಾಂವಿಂ
ಉಪ್ಕಾರ್ ಮಾಗ್ಚಿಂ
ಅರ್ಗಾಂ ಫಾಯ್ಸ್ ಕರ್‍ಚಿಂ
ನಾಂತ್ ಖಂಯ್ ಪುಣಿ

ವಿಂಚೊವ್ಣ್ ಪ್ರವಾದ್ಯಾಂಚಿ
ದೆವಾಚಿಚ್ ತರ್‌ಯಿ
ಬೂದ್ ಆಸ್‌ಲ್ಲಿಂ
ತಾಂಚ್ಯೆ ಲಾಗಿಂ ಮಾಗ್ತಲಿಂ?

ವ್ಹಯ್ ಹಿ ಅಸಲಿ ಸಾರ್ಕಿ
ದಿಷ್ಟ್ ಆಸ್‌ಲ್ಲಿಂ
ಕೊಣಾ ಥಾವ್ನ್ ತಿಂ
ಉಪ್ರಾಂತ್ ಕುಡ್ಡಿಂ ಜಾಲಿಂ?

ಸಾಂತ್ ಸಾಂತಿಣಿಂ ಲಾಗಿಂ
ದಿಂಬಿ ಘಾಲುನ್ ಮಾಗ್ಚಿಂ
ಪಳೆವ್ಯೆತ್ ಹಜಾರಾಂನಿ
ಜಾಯ್ತ್ಯಾ ಜಾಗ್ಯಾಂನಿ!

ಘುಟ್ಕರ್ ಇಮಾಜೆ ಲಾಗಿಂ
ಉಪ್ಕಾರ್ ಮಾಗ್ಚಿಂ
ಬೂಕಾಂತ್ಲಿಂ ನವೆನಾಂ ಕರ್‍ಚಿಂ
ದಿಸ್ತಾತ್ ಜಾಯ್ ತಿತ್ಲಿಂ!

ವಿಂಚೊವ್ಣ್ ಸಾಂತಾಂಚಿ
ಮನ್ಶಾಂಚಿಚ್ ತರ್‌ಯಿ
ಬೂದ್ ನಾತ್‌ಲ್ಲಿಂ
ತಾಂಚ್ಯೆ ಲಾಗಿಂಚ್ ಮಾಗ್ತಲಿಂ!!

ಹಾ! ಹಿ ಅಸಲಿ ಕುಡ್ಡಿ
ಪಾತ್ಯೆಣಿ ದವರ್‌ಲ್ಲಿಂ
ಸುಟುಂ ಕುರ್ಡ್ಯಾಪಣಾಂತ್ಲಿಂ
ಆನಿ ಮಾಗುಂ ಜೆಜುಚ್ಯೆ ನಾಂವಿಂ

- ಲ್ಯಾನ್ಸಿ ಕಾರ್ಡೊಜಾ ತಾಕೊಡೆ, ಅಲಂಗಾರ್