ನಾ ಶ್ರೇಷ್ಟ್ ಯಾಜಕಾಂಕ್
ವಾ ಪ್ರವಾದ್ಯಾಂಕ್
ಕುಸ್ಕುಟ್ ಹಕ್ಕ್
ಉಪದೆಸ್ ಕುಡ್ಸುಂಕ್
ವಾ ತಾಂತ್ಲೆ ಕಳ್ವುಂಕ್

ಶಿವಾಯ್ ಎಕ್ಲ್ಯಾಕ್
ಸರ್ಗಿಂ ಥಾವ್ನ್ ದೆಂವ್ಲಲ್ಯಾಕ್
ಸಂಪೂರ್ಣ್ ಹಕ್ಕ್
ಉಪದೆಸ್ ಕುಡ್ಸುಂಕ್
ವಾ ನವೊ ದಿಂವ್ಕ್

ಕೊಣೆಂ ದಿಲ್ಲೆ ತಾಣೆಂ ಮಾತ್ರ್
ದಿವ್ಯೆತ್ ಚಡಿತ್
ವಾ ಉಣೆಂ ಕರ್‍ಯೆತ್
ಜೆಜುನ್ ನವೊ ದಿಲಾ ತರ್
ತೊ ಕೊಣ್ ಜಾವ್ಯೆತ್?

ತೊಚ್ ಪ್ರತಿರೂಪ್ ದೆವಾಚೆಂ
ಜೊ ಆಸಾ ತೊ ಹಾಂವ್
ಆಬ್ರಾಹಾಮ್ ಆಸ್ಚ್ಯೆ ಆದಿಂಚ್
ಹಾಂವ್ ಆಸಾಂ
ಆಲ್ಫಾ ಆನಿ ಓಮೆಗಾ

ತೊ ಫಕತ್ ಎಕ್ ಪ್ರವಾದಿ
ದೆವಾಚೊ ಪೂತ್‌ಯಿ ನ್ಹಯ್
ಅಶೆಂ ಮ್ಹಣ್ತಲ್ಯಾಂಕ್
ಹೆಂಚ್ ಮ್ಹಜೆಂ ಸವಾಲ್
ಉಪದೆಸ್ ಕೊಣೆಂ ದಿವ್ಯೆತ್?

- ಲ್ಯಾನ್ಸಿ ಕಾರ್ಡೊಜಾ ತಾಕೊಡೆ, ಅಲಂಗಾರ್