Divine Mission Society

Mohima Devak : Roman Script

INR 150.00

Category:	Books
Manufacturer:	Fr.Jerry Sequeira

“Vhoi, ietole dis”, uloita to Sorvespor, “tea disamni Hanv desacher dukoll dhaddtolom, lok bhuketolo, punn jevnna-khannak nhoi, lok tanetolo, punn udkak nhoi, bogor Sorvesporachem Utor aikunk.” – Amos. 8:11

Vhoi mogacheamno, hea disamni ho dukoll poddon ailolo dista. Sonvsarar lok Devachea Utram khatir taneun asa ani Devachea Utranchea porgottponna vorvim zaito lok Deva thaim portola. Jezun mhollam Matevachea Vanjelant,“Somest porzank sot kollit zaunche khatir, rajeachi hi suvarta sogllea sonvsarar porgott zatoli ani uprant ietolo ont.” (Matev. 24:14). Sonvsaracho ont lagim pavla vo na tem amkam kollit nam. Punn khonddit zaun Devacho Sobd az bhoran prosar zata mholl’le tem ami amcheach dolleamni polletanv.

Suvartechem hem kam’ ami gelim tea pondra vorsam thaun korun asanv ani zaitea lokak Devachi vollok korun divun Devan thaim portun asaum. “Mohima Devak” mholl’lo doivik bhoktik gitancho buk tumkam Deva thaim anikui lagim haddunk ami korchem lhanxem sadhon zaun asa. Hea amchea Suvarta porgott korchea kamant tumcho ami sohokar axetanv ani tumkam ami abhari zaun asanv. Sorginchea Bapacho bhorpur axirvad ani zaiti kurpa tumcher poddum mhonn amchem magnnem. Devak zaum argam, hogllop ani mohima, atam ani sorvodam.

Bap. Jerry Sequeira
Founder
Divine Mission Society.

PRAYER REQUEST

Send your Prayer Request to [email protected]

Mob: +91-9845391050

TESTIMONIALS

WHO IS ONLINE

ಪಂಚ್ವಿಸ್ ಜಾತಾನಾ ಮರ್‍ಚೆಂ, ಪಾವಣ್ಶೆಂ ಜಾತಾನಾ ಪುರ್‍ಚೆಂ!

ತೊ ಆನಿ ನಾ ಮ್ಹಣ್ ಕೊಣೆಂಗಿ ಮ್ಹಳೆಂ
ಆಜ್ ತಾಕಾ ಮಾಯ್ತೆಕ್ ಪಾಂವ್ಚೆಂ
ಪೂಣ್ ತ್ಯಾ ಮನ್ಶಾಚೆಂ
ಮರಣ್ ಪಯ್ಲೆಂಚ್ ಜಾಲ್ಲೆಂ!

ಮರಣ್ ತ್ಯಾ ಮನ್ಶಾಚೆಂ
ಪಂಚ್ವಿಸ್ ಜಾತಾನಾಚ್ ಜಾಲ್ಲೆಂ
ಪೂಣ್ ಆಜ್ ಸಿಮೆಸ್ತ್ರೆಂತ್ ಪುರ್‍ಚೆಂ
ಪ್ರಾಯ್ ಜಾತಾನಾ ಪಾವಣ್ಶೆಂ!

ಗಳ್ಶಿಲ್ಲೆಂ ನಾ ಕಂಯ್ ತಾಣೆಂ
ಸೊಮ್ಯಾನ್ ತಾಕಾ ದಿಲ್ಲೆಂ
ತಾಚ್ಯೆಚ್ ಖಾತಿರ್ ಮ್ಹಣ್ ದಿಲ್ಲೆಂ
ಸರ್ಗಿಂಚೆಂ ದೆಣೆಂ

ಗಳ್ಶಿಲ್ಲೆಂ ನಾ ಕಂಯ್ ತಾಣೆಂ
ಧನಿಯಾನ್ ತಾಕಾ ದಿಲ್ಲೆಂ
ತಾಚ್ಯೆಚ್ ಖಾತಿರ್ ಮ್ಹಣ್ ದಿಲ್ಲೆಂ
ಭಾಂಗಾರಾಚೆಂ ನಾಣೆಂ!

ಹಾ! ಪಾವಣ್ಶೆಂ ಪ್ರಾಯೆಚೆಂ
ಜಿಣೆಂ ತಾಚೆಂ ಆಸ್ಲಲೆಂ ಶೆಳ್ಮುಡೆಂ
ಆನಿ ಜರ್ ಜಿಣೆಂ ಶೆಳ್ಮುಡೆಂ
ತೊ ನ್ಹಯ್ ಏಕ್ ಮಡೆಂ?

ಆಮ್ಚೆಂ ಕ್ರಿಸ್ತಾಂವಾಂಚೆಂ
ಜಿಣೆಂ ಜಾಂವ್ಕ್ ನಜೊ ಅಶೆಂ
ಪಂಚ್ವಿಸ್ ಜಾತಾನಾ ಮರ್‍ಚೆಂ
ಪಾವಣ್ಶೆಂ ಜಾತಾನಾ ಪುರ್‍ಚೆಂ!

- ಲ್ಯಾನ್ಸಿ ಕಾರ್ಡೊಜಾ, ತಾಕೊಡೆ