Main Promo Images
| Mahima Devak : Konkani | INR 150.00 |
|
|
| ||||||||
PRAYER REQUEST
TESTIMONIALS
WHO IS ONLINE
We have 213 guests and no members online
ಪಂಚ್ವಿಸ್ ಜಾತಾನಾ ಮರ್‍ಚೆಂ, ಪಾವಣ್ಶೆಂ ಜಾತಾನಾ ಪುರ್‍ಚೆಂ!
ತೊ ಆನಿ ನಾ ಮ್ಹಣ್ ಕೊಣೆಂಗಿ ಮ್ಹಳೆಂ
ಆಜ್ ತಾಕಾ ಮಾಯ್ತೆಕ್ ಪಾಂವ್ಚೆಂ
ಪೂಣ್ ತ್ಯಾ ಮನ್ಶಾಚೆಂ
ಮರಣ್ ಪಯ್ಲೆಂಚ್ ಜಾಲ್ಲೆಂ!
ಮರಣ್ ತ್ಯಾ ಮನ್ಶಾಚೆಂ
ಪಂಚ್ವಿಸ್ ಜಾತಾನಾಚ್ ಜಾಲ್ಲೆಂ
ಪೂಣ್ ಆಜ್ ಸಿಮೆಸ್ತ್ರೆಂತ್ ಪುರ್‍ಚೆಂ
ಪ್ರಾಯ್ ಜಾತಾನಾ ಪಾವಣ್ಶೆಂ!
ಗಳ್ಶಿಲ್ಲೆಂ ನಾ ಕಂಯ್ ತಾಣೆಂ
ಸೊಮ್ಯಾನ್ ತಾಕಾ ದಿಲ್ಲೆಂ
ತಾಚ್ಯೆಚ್ ಖಾತಿರ್ ಮ್ಹಣ್ ದಿಲ್ಲೆಂ
ಸರ್ಗಿಂಚೆಂ ದೆಣೆಂ
ಗಳ್ಶಿಲ್ಲೆಂ ನಾ ಕಂಯ್ ತಾಣೆಂ
ಧನಿಯಾನ್ ತಾಕಾ ದಿಲ್ಲೆಂ
ತಾಚ್ಯೆಚ್ ಖಾತಿರ್ ಮ್ಹಣ್ ದಿಲ್ಲೆಂ
ಭಾಂಗಾರಾಚೆಂ ನಾಣೆಂ!
ಹಾ! ಪಾವಣ್ಶೆಂ ಪ್ರಾಯೆಚೆಂ
ಜಿಣೆಂ ತಾಚೆಂ ಆಸ್ಲಲೆಂ ಶೆಳ್ಮುಡೆಂ
ಆನಿ ಜರ್ ಜಿಣೆಂ ಶೆಳ್ಮುಡೆಂ
ತೊ ನ್ಹಯ್ ಏಕ್ ಮಡೆಂ?
ಆಮ್ಚೆಂ ಕ್ರಿಸ್ತಾಂವಾಂಚೆಂ
ಜಿಣೆಂ ಜಾಂವ್ಕ್ ನಜೊ ಅಶೆಂ
ಪಂಚ್ವಿಸ್ ಜಾತಾನಾ ಮರ್‍ಚೆಂ
ಪಾವಣ್ಶೆಂ ಜಾತಾನಾ ಪುರ್‍ಚೆಂ!
- ಲ್ಯಾನ್ಸಿ ಕಾರ್ಡೊಜಾ, ತಾಕೊಡೆ