Send your Prayer Request to [email protected]

or

Mob: +91-9845391050

ದೆವಾನ್ ದಿಲ್ಯಾತ್
ದೋನ್ ಕಾನ್
ರೋಜಿಬಾಯೆಕ್
ಕಾಪ್ಡಾಂ ನಾಂತ್ ಮ್ಹಳ್ಳೆ ಪದ್
ಪರ್ತ್ಯಾನ್ ಆಯ್ಕುಂಕ್ ನ್ಹಯ್

ದೆವಾನ್ ದಿಲ್ಯಾತ್
ದೋನ್ ಕಾನ್
ಭಯ್ಣ್ ರೋಜಿ ಪರಿಂಚ್
ದೆವಾಚೆಂ ಉತರ್
ದೋನ್ ಪಾವ್ಟಿಂ ಆಯ್ಕುಂಕ್

ಖಂಯ್ಚೆಂಯ್ ಉಡ್ತೆಂ ಪದ್
ವಾ ಸಂಗೀತ್
ದಿತಾ ಕ್ಷಣಿಕ್ ಸಂತೊಸ್
ಪೂಣ್ ದೆವಾಚೆಂ ಉತರ್
ದಿತಾ ಖರೊ ಸಂತೊಸ್

ಆಯ್ಕುಂಕ್ ಸುಡ್ಸುಡಿತ್
ಆನಿ ಉಲೊಂವ್ಕ್ ಸವ್ಕಾಸ್
ಜಾಯ್ಜೆ ಹರೆಕ್ಲ್ಯಾನ್
ನಾ ತರ್ ರೆತಿರೆಂತ್ಲಿ ಶಿಕೊವ್ಣ್
ವೆತಾ ಮಾತ್ಯಾ ವಯ್ಲ್ಯಾನ್

ಏಕ್ ಪಾವ್ಟಿಂ ಉಲಯ್ಲೊ ದೇವ್
ದೋನ್ ಪಾವ್ಟಿಂ ಆಯ್ಕಲೆಂ ದಾವಿದಾನ್
ಆಯ್ಕುವ್ಯಾಂ ಆಮಿಯ್ ತಶೆಂಚ್
ರೆತಿರೆಂತ್ಲಿ ಶಿಕೊವ್ಣ್
ಘರಾ ವಚುನ್ ಪರ್ತ್ಯಾನ್

- ಲ್ಯಾನ್ಸಿ ಕಾರ್ಡೊಜಾ ತಾಕೊಡೆ